ກອງປະຊຸມໃຫຍ່ໜ່ວຍພັກ ພະແນກ

ໃນຕອນແລງຂອງວັນທີ 28 ມີນາ 2014 ໜ່ວຍພັກ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ກໍ່ໄດ້ຈັດ ກອງປະຊຸມໃຫຍ່ຄັ້ງທີ I ຂື້ນ ເພື່ອເປັນການຮັບສາໝັກ ແລະ ປ່ອນບັດຄັດເລືອກເລາຂາໜ່ວຍພັກຊຸດໃໝ່ ຄຽງຄູ່ກັບການ ດໍາເນີນບັ້ນຊີວິດການເມືອງພາຍໃນໜ່ວຍ. ກອງປະຊຸມໄດ້ຮັບກຽດເປັນປະທານໂດຍທ່ານ ຄໍາຈັນ ແຈ່ມສະໝອນ ຄະນະ ປະຈໍາພັກແຂວງ ຫົວໜ້າຄະນະໂຄຊະນາອົບຮົມແຂວງ ແລະ ທ່ານ ສີສຸດອນ ອັງຄະໄລ ເລຂາໜ່ວຍພັກ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງສາລະວັນ.

ກອງປະຊຸມໄດ້ມີຜູ້ແທນສົມບູນເຂົ້າຮ່ວມທັງໝົດ 04 ສະຫາຍ, ຜູ້ແທນສໍາຮອງ 01 ສະຫາຍ, ແຂກຖືກເຊີນຈາກຄະນະ ພັກຮາກຖານ ພະແນກການອ້ອມຂ້າງ 05 ສະຫາຍ ແລະ ຕົວແທນຈາກ 3 ອົງການຈັດຕັ້ງມະຫາຊົນ 03 ສະຫາຍ. ກອງປະຊຸມ ໃຫ້ກຽດຂື້ນຜ່ານບົດລາຍງານການເມືອງ, ໃນການຄຸ້ມຄອງ-ນໍາພາໃນໄລຍະຜ່ານມາ ແລະ ທິດທາງແຜນການ ໃນສົກປີ 2014 – 2016. ທ່ານ ຄໍາຈັນແຈ່ມສະໝອນ ຄະນະປະຈໍາພັກແຂວງ, ຫົວໜ້າຄະນະໂຄຊະນາອົບຮົມແຂວງ ກໍ່ໃຫ້ກຽດຂື້ນໂອ້ລົມຕໍ່ກອງ ປະຊຸມ.