ເມືອງເລົ່າງາມໄດ້ປະກາດສ້າງຕັ້ງຫ້ອງການວິທະຍາສາດເຕັກໂນໂລຊີ ຢ່າງເປັນທາງການ

ພິທີປະກາດຫ້ອງການວິທະຍາສາດ-ເຕັກໂນໂລຊີປະຈຳເມືອງເລົ່າງາມເປັນເມືອງທີ 3 ຂອງແຂວງສາລະວັນ ເຊິ່ງຖັດຈາກເມືອງສາລະວັນແລະເມືອງຕະໂອ້ຍຈັດຂື້ນໃນຕອນເຊົ້າວັນທີ 12 ພະຈິກ 2013 ທີ່ຫ້ອງ ວ່າການປົກຄອງເມືອງເລົ່າງາມ.

ໂດຍການໃຫ້ກຽດເຂົ້າຮ່ວມຂອງທ່ານ: ນາງສູນທອນແກ້ວ ບົວລະພາ ກຳມະການ ພັກແຂວງເລຂາ ພັກເມືອງເຈົ້າເມືອງໆເລົ່າງາມ, ທ່ານ: ທອງໃສສົນລາສີຮອງຫົວໜ້າພະແນກ ວິທະຍາສາດ – ເຕັກໂນໂລຊີແຂວງສາລະວັນ, ມີບັນດາທ່ານໃນຄະນະປະຈຳພັກເມືອງ, ກຳມະການພັກ ເມືອງ, ຫົວໜ້າ ຫ້ອງການ, ຕະຫຼອດຮອດພະນັກງານອ້ອມຂ້າງເມືອງເຂົ້າຮ່ວມ. ໃນພິທີ: ທ່ານ: ນາງຄຳຜຸຍໄຊ ຍະແສງຄະນະປະຈຳພັກເມືອງຫົວໜ້າຄະນະຈັດຕັ້ງເມືອງເລົ່າງາມໃດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆ

ເລົ່າງາມສະບັບເລກທີ 480/ຈມ, ລົງວັນທີ 26 ຕຸລາ 2013, ວ່າດ້ວຍການສ້າງຕັ້ງຫ້ອງການແລະແຕ່ງ ຕັ້ງຫົວໜ້າຫ້ອງການວິທະຍາສາດແລະເຕັກໂນໂລຊີເມືອງເລົ່າງມໃນນັ້ນແຕ່ງຕັ້ງທ່ານ: ສຸວັນນະກອນ ພິມມະສອນ ເປັນຫົວໜ້າ ຫ້ອງການວິທະຍາ ສາດ ແລະເຕັກໂນໂລຊີ ເມືອງເລົ່າງາມ, ຈຸດປະສົງຂອງການສ້າງ ຕັ້ງຫ້ອງການວິທະຍາ ສາດ ແລະ ເຕັກໂນໂລຊີນີ້ເພື່ອເປັນບ່ອນອີງໃນການ ຈັດຕັ້ງແລະການ ເຄື່ອນໄຫວ ປະຕິບັດໜ້າທີ່ການເມືອງ ແນໃສ່ການຈັດຕັ້ງປະຕິບັດແນວທາງນະໂຍບາຍ ຂອງພັກແລະລັດຖະບານ, ແຜນການແຜນງານແລະໂຄງການຂອງກະຊວງ, ຂອງແຂວງ, ນະຄອນຫຼວງກ່ຽວກັບວຽກງານວິທະຍາ ສາດ-ເຕັກໂນໂລຊີນະວັດຕະກຳ, ຊັບສິນທາງປັນຍາມາດຕະຖານວັດແທກ ຢູ່ຂົ້ນເມືອງ, ເທດສະບານ, ຫ້ອງການວິທະຍາສາດແລະເຕັກໂນໂລຊີແມ່ນການຈັດຕັ້ງໃນໂຄງປະກອບ ກົງຈັກຂອງອົງການປົກຄອງເມືອງແລະເປັນກົງຈັກບໍລິຫານລັດຂັ້ນທ້ອງຖິ່ນຂອງຂະແໜງວິທະຍາສາດ ແລະ ເຕັກໂນໂລຊີມີພາລະບົດບາດເປັນຕົງແທນຮັບຜິດຊອບຕໍ່ກະຊວງວິທະຍາສາດແລະເຕັກໂນໂລຊີແລະພະແນກວິທະຍາສາດ ແລະ ເຕັກໂນໂລຊີຂັ້ນແຂວງ,ນະຄອນຫຼວງໃນການຄຸ້ມ ຄອງບໍລິຫານການຄົ້ນຄ້ວາພັດທະນາ ແລະ ນຳໃຊ້ຜົນສຳເລັດທາງດ້ານວິທະຍາສາດວິ ທະຍາການໃໝ່, ເຕັກນິກເຕັກໂນໂລຊີ-ຂໍ້ມູນຂ່າວສານຊັບສິນທາງປັນຍາມາດຕະ ຖານແລະວັດແທກໃທ້ອງຖິ່ນຂັ້ນເມືອງເທດສະບານ. ໃນຕອນທ້າຍຂອງພິທີທ່ານ: ທອງໃສສົນລາສີຮອງຫົວໜ້າພະແນກວິທະຍາສາດແລະເຕັກໂນໂລຊີຍັງໃດ້ມອບກາປະທັບຂັ້ນເມືອງ, ເອກະສານແລະອຸປະກອນຮັບໃຊ້ຫ້ອງການປະເພດຄອມຕັ້ງໂຕະແລະບັນດາອຸປະກອນກວດທຽບຈຳນວນໜຶ່ງເພື່ອຮັບໃຊ້ເຂົ້າໃນການບໍລິ ຫານວຽກຂອງຫ້ອງການວິທະຍາສາດແລະເຕັກໂນໂລຊີຂັ້ນເມືອງໂດຍໃຫ້ກຽດຮັບຂອງທ່ານ:ນາງສູນທອນແກ້ວບົວລະພາເຈົ້າເມືອງໆເລົ່າງງາມຕື່ມອີກ.