ພວຕ ແຂວງສາລະວັນ ປະຖະກະຖາວັນປະຫວັດສາດຂອງຊາດ, ຂອງພັກ ແລະ ສາກົນ

ໃນຕອນເຊົ້າຂອງວັນທີ 10 ພະຈິກ 2017 ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຈັດກອງປະ ຊຸມ ປະຖະກະຖາວັນປະຫວັດສາດຂອງຊາດ, ຂອງພັກ ແລະ ສາກົນ ຂື້ນຢຸ່ທີ່ຫ້ອງປະຊຸມຂອງພະແນກ ໂດຍການເປັນປະທານຂອງທ່ານ ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ.

ກອງປະ ຊຸມ ປະຖະກະຖາໃນຄັ້ງນີ້ ໄດ້ມີຫົວໜ້າ ແລະ ຮອງຫົວໜ້າຫ້ອງການວິທະຍາສາດ ແລະ ເຕັກໂນໂລຊີ ຈາກ 3 ເມືອງເຂົ້າຮ່ວມ (ເມືອງສາລະວັນ, ເມືອງເລົ່າງາມ ແລະ ເມືອງຕະໂອ້ຍ) ພ້ອມດ້ວຍພະນັກງານ-ລັດຖະກອນພາຍໃນພະແນກ ຫຼາຍກວ່າ 30 ທ່ານ.

ກອງປະຊຸມໄດ້ຮັບກຽດໂດຍທ່ານ ສົມມະນີ ໄຊຍະວົງ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ກໍ່ໃດ້ໃຫ້ກຽດຂື້ນເຜີຍແຜ່ບັນດາເອກະສານຕ່າງໆທີ່ສໍາຄັນຂອງພັກ-ຂອງຊາດເຊັ່ນວ່າ:

  • ເອກະສານ ວັນປະກາດເອກະສານ 12 ຕຸລາ 1945 ຄົບຮອບ 72 ປີ
  • ເອກະສານ ລະນຶກວັນສາກົນ ແລະ ສັບປະດາແຫ່ງຊາດ ເພື່ອລືບລ້າງຄວາມທຸກຍາກ ຂອງປະຊາຊົນ ຄົບຮອບ 30 ປີ.
  • ເອກະສານ ສ້າງຕັ້ງສາທາລະນະລັດປະຊາຊົນຈີນ, ວັນທີ 01 / 10 / 1945 – 01 / 10 / 2017
  • ເອກະສານ ວັນມະຫາປະຕິວັດ ເດືອນຕຸລາ ຣັດເຊຍ, ວັນທີ 07 / 11 / 1917 – 07 / 11 / 2017

ທ່ານ  ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ເປັນຜູ້ເຜີຍແຜ່ ມະຕິກອງປະຊຸມໃຫຍ່ຂອງອົງຄະນະພັກແຂວງ ຄັ້ງທີ 6 ສະໃໝທີ VIII ເຊີ່ງຕິດພັນກັບການໂອ້ລົມ, ວາງທິດທາງແຜນການ ຈະຕ້ອງຕ້ອງຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີ ໃນໄລຍະຕໍ່ໄປ.