ພວຕ ແຂວງສາລະວັນ ຈັດພິທີມອບ-ຮັບ ຫົວໜ້າ ຜູ້ເກົ່າ ກັບ ຜູ້ໃໝ່

ຕອນເຊົ້າຂອງວັນທີ 23 ຕຸລາ 2017 ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ກໍ່ໄດ້ຈັດພິທີມອບ-ຮັບ ຫົວໜ້າພະແນກ ຜູ້ເກົ່າ ກັບຜູ້ໃໝ່, ໂດຍໃຫ້ກຽດເປັນປະທານຂອງທ່ານ ວິຊຽນ ນະວິກຸນ ຄະນະປະຈໍາພັກແຂວງ ຜູ້ຊີ້ວຽກງານຂົງເຂດເສດຖະກິດ

ກອງປະຊຸມດັ່ງກ່າວໄດ້ມີພະນັກງານ-ລັດຖະກອນ ຈາກພະແນກ ແລະ ແຂກເຂົ້າຮ່ວມທັງໝົດ 26 ທ່ານ ໂດຍສະເພາະແມ່ນ ຕາງ ໜ້າຈາກຄະນະຈັດຕັ້ງແຂວງ, ຕາງໜ້າຈາກ ພະແນກພາຍໃນແຂວງ ແລະ ຕາງໜ້າຈາກຫ້ອງການວິທະຍາສາດ ແລະ ເຕັກໂນໂລຊີ 3 ເມືອງເຂົ້າຮ່ວມ.

ທ່ານ ວິຊຽນ ນະວິກຸນ ຄະນະປະຈໍາພັກແຂວງ ຜູ້ຊີ້ວຽກງານຂົງເຂດເສດຖະກິດ ກໍ່ໃຫ້ກຽດຂື້ນໂອ້ລົມມີຄໍາເຫັນຊີ້ນໍາຕໍ່ວຽກງານວິທະ ຍາສາດ ແລະ ເຕັກໂນໂລຊີ ໃນຫຼາຍໆດ້ານ, ໂດຍສະເພາະແມ່ນເນັ້ນໜັກໃນການເພີ່ມທະວີຄວາມສາມັກຄີເປັນເອກະພາຍພາຍໃນໝຸ່ຄະ, ຍົກສູງທັດສະນະຫຼັກໝັ້ນທາງດ້ານການເມືອງ-ແນວຄິດ ແລະ ປັບປຸງແບບແຜນວິທີການເຮັດວຽກໃຫ້ມີຄວາມຄ່ອງຕົວຂື້ນໄປເທື່ອລະກ້າວ.

ທ່ານ ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ (ຜູ້ໃໝ່) ກໍ່ໄດ້ຂື້ນກ່າວຮັບຄໍາໂອວາດ ແລະ ສະແດງເຖິງຄວາມຮູ້ບຸນຄຸນຈາກຄະນະພັກຂັ້ນເທິງ ເຊີ່ງຍາມໃດກໍ່ໃຫ້ຄວາມເປັນຫວ່າງເປັນໄຍ ໃນການໄກ້ຊິດຕິດແທບໃນການຊີ້ນໍາໆພາຕໍ່ວຽກງານວິທະຍາສາດ ແລະ ເຕັກໂນໂລຊີ ຕະຫຼອດມາ.