ກວດກາແຂວງສາລະວັນ ເປີດບັ້ນດຳເນີນຊີວິດການເມືອງປັບປຸງປົວແປງພັກ

ຄະນະກວດກາພັກ-ລັດແຂວງສາລະວັນ ໄດ້ເປີດບັ້ນດຳເນີນຊີວິດການເມືອງປັບປຸງປົວແປງທົ່ວພັກ ປະຈຳປີ 2017 ໄດ້ໄຂຂຶ້ນໃນວັນທີ 22 ສິງຫານີ້ ໂດຍໃຫ້ກຽດເຂົ້າຮ່ວມຂອງ ສະຫາຍ ຄຳຈັນ ແຈ່ມສະໝອນ ຄະນະປະຈຳພັກແຂວງ ປະທານກວດກາພັກ-ລັດແຂວງ, ມີ ທ່ານ ເລີດສະໝີ ຈັນສີຍະວົງ ຮັກສາການເລຂາໜ່ວຍພັກຄະນະກວດກາແຂວງ,  ພ້ອມດ້ວຍສະມາຊິກພັກສົມບູນ, ສຳຮອງເຂົ້າຮ່ວມ.ທ່ານ ເລີດສະໝີ ຈັນສີຍະວົງ ໄດ້ກ່າວວ່າ: ການເປີດບັ້ນດຳເນີນຊີວິດການເມືອງປັບປຸງປົວແປງພັກຄັ້ງນີ້, ເພື່ອເຮັດໃຫ້ການດຳເນີນຊີວິກການເມືອງມີຄວາມໝາຍ, ຄວາມສຳຄັນຕໍ່ກັບການປັບປຸງ, ແກ້ໄຂຈຸດອ່ອນ, ບົກຜ່ອງ ແລະສິ່ງທ້າທາຍພາຍໃນພັກຢ່າງເຖີງຖອງ ແລະມີຄວາມເດັດຂາດ, ໃຫ້ມີຄວາມປອດໄຟ, ເຂັ້ມແຂງ, ໜັກແໜ້ນ, ສືບຕໍ່ນຳພາໆລະກິດປົກປັກຮັກສາ ແລະສ້າງສາພັດທະນາປະເທດຊາດ, ເສີມຂະຫຍາຍມູນເຊື້ອ, ຜົນງານດ້ານດີຂອງພັກໃນໄລຍະຜ່ານມາ, ແນໃສ່ຍົກສູງຄວາມສາມາດນຳພາ, ເພີ່ມທະວີຄວາມສາມັກຄີພາຍໃນພັກ-ພາຍໃນຊາດ, ສືບຕໍ່ປະຕິບັດແນວທາງປ່ຽນແປງໃໝ່ຮອບດ້ານ, ເດັດດ່ຽວປົກປັກຮັກສາ ແລະພັດທະນາປະເທດຊາດໃຫ້ກ້າວຂຶ້ນສູ່ຈຸດໝາຍສັງຄົມນິຍົມຢ່າງໜັກແໜ້ນ. ນອກນັ້ນໄດ້ຜ່ານບົດສະຫຼຸບຕີລາຄາການນຳພາຮອບດ້ານຂອງໜ່ວຍພັກ, ໄດ້ສຶກສາອົບຮົມການເມືອງແນວຄິດໃຫ້ພະນັກງານລັດຖະກອນເປັນປະຈຳ ແລະຈັດຕັ້ງປະຕິບັດໜ້າທີ່ຕາມການມອບໝາຍຢ່າງມີຄວາມຮັບຜິດຊອບສູງ. ໃນນັ້ນ, ບັນດາສະມາຊິກພັກພາຍໃນໜ່ວຍກໍ່ໄດ້ເຊື່ອມຊືມບັນດາເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະໜັກແໜ້ນ ການເປີດບັນດຳເນີນຊິດການເມືອງປັບປຸງປົວແປງພັກຄັ້ງນີ້,