ກອງປະຊຸມ ວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ II

ໃນລະຫວ່າງວັນທີ 11-13 ຕຸລາ 2016 ທີ່ຜ່ານນີ້, ທ່ານ ພູທົງ ຄໍາມະນີວົງ ຮອງເຈົ້າແຂວງສາລະວັນ ກໍ່ໃຫ້ກຽດເຂົ້າຮ່ວມ ກອງປະຊຸມວິທະຍາສາດ ແລະ ເຕັກໂນໂລຊີ ທົ່ວປະເທດຄັ້ງທີ II ພ້ອມດ້ວຍທ່ານ ສີສຸດອນ ອັງຄະໄລ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແລະ ວິຊາການຈໍານວນໜື່ງ ຢູ່ທີ່ ຫໍປະຊຸມ ສູນການຮ່ວມມືສາກົນ ແລະ ການຝຶກອົບຮົມ (ICTC). adidas soldes ຈຸດປະສົງຂອງການຈັດກອງປະຊຸມໃນຄັ້ງນີ້ກໍເພື່ອ ເປັນການສະຫຼຸບຕີລາຄາຖອດຖອນບົດຮຽນໃນການ ເຄື່ອນໄຫວວຽກງານວິທະຍາສາດ ແລະ ເຕັກໂນໂລຊີ ໃນໄລຍະຜ່ານມາ ຕາມທີ່ໄດ້ວາງຄາດໝາຍສູ້ຊົນໄວ້ໃນ ກອງປະຊຸມຄັ້ງທີ I ຜ່ານມານັ້ນ, ເພື່ອສະຫຼຸບ, ສັງເກດຕີລາຄາສະພາບຄວາມເປັນຈິງ ຂອງວຽກງານ ການຄຸ້ມ ຄອງໃນຂົງເຂດວຽກງານວິທະຍາສາດ ແລະ ເຕັກໂນໂລຊີ ຂອງ ສປປ ລາວ ທີ່ຕິດພັນກັບວຽກງານ 3 ສ້າງກໍຄືໃນການຈັດຕັ້ງປະຕິບັດ ຕາມມະຕິກອງ ປະຊຸມໃຫຍ່ຄັ້ງທີ X ຂອງພັກ, ໃນກອງປະຊຸມ ຄັ້ງນີ້ຈະຊອກໃຫ້ເຫັນ ຈຸດອ່ອນ, ຂໍ້ຄົງຄ້າງ, ຂໍ້ສະດວກ, ຂໍ້ຫຍຸ້ງຍາກ, ສິ່ງທີ່ເປັນອຸປະສັກໃນການເຄື່ອນໄຫວວຽກງານ ຫຼື ຄົ້ນຄວ້າກົນໄກ ໃນການ ປະສານງານ, ການຄຸ້ມຄອງຂອງບັນດາ ຂະແໜງ ການຊຶ່ງລວມທັງສູນກາງ ແລະ ທ້ອງຖິ່ນ ກ່ຽວກັບການພັດທະນາການນຳໃຊ້ວິທະຍາສາດ ແລະ ເຕັກໂນໂລຊີ. air jordan en soldes ພ້ອມດຽວ ກັນນັ້ນກໍເພື່ອ ໂຄສະນາ ເຜີຍແຜ່ໃຫ້ສັງຄົມມີຄວາມເຂົ້າໃຈ, ຮັບຮູ້ ແລະ ເປັນເອກະພາບຕໍ່ການເຄື່ອນ ໄຫວວຽກງານວິທະຍາສາດ ແລະ ເຕັກໂນໂລຊີແນໃສ່ປະກອບສ່ວນໃນການຄຸ້ມຄອງສັງຄົມໃຫ້ມີວາມຍຸຕິທຳ, ນຳໃຊ້ວິທະຍາສາດ ເຂົ້າໃນການປົກ ປັກຮັກສາ ແລະ ສ້າງສາປະ ເທດຊາດໃຫ້ຫຼຸດພົ້ນຈາກສະຖານະພາບຄວາມດ້ອຍພັດທະນາ ກໍຄື ການແກ້ໄຂລຶບລ້າງຄວາມທຸກຍາກ ຂອງປະຊາຊົນບັນດາເຜົ່າເທື່ອ ລະກ້າວ. ໃນກອງປະຊຸມຄັ້ງນີ້ຍັງໄດ້ກຳນົດທິດທາງການເຄື່ອນໄຫວວຽກງານ ວິທະຍາສາດ ແລະ ເຕັກໂນໂລຊີ ໃນຕໍ່ໜ້າເພື່ອຮອງຮັບໜ້າທີ່ການເມືອງໃນການປົກປັກ ຮັກສາ ແລະ ພັດທະ ນາປະເທດຊາດທັງເປັນເຈົ້າການໃນການເຊື່ອມໂຍງ, ຮ່ວມມືກັບຕ່າງປະເທດ ແລະ ອົງການ ຈັດຕັ້ງສາກົນຕ່າງໆໃນພາກພື້ນ ແລະ ສາກົນຕາມ ແນວທາງນະ ໂຍບາຍຂອງພັກ-ລັດ. ກອງປະຊຸມດັ່ງກ່າວແມ່ນໃຫ້ກຽດເຂົ້າຮ່ວມເປັນປະທານຂອງທ່ານ ບັນດິດ ສຈ. adidas nmd ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກກະ ຊວງ, ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ, ປະທານສະພາວິທະຍາສາດແຫ່ງຊາດ.