ພະແນກວິທະຍາສາດ ແລະ ເຕັກໂນໂລຊີຈັດກອງປະຊຸມທາບທາມພະນັກງານນຳພາ

ພະແນກວິທະຍາສາດແລະ ເຕັກໂນໂລຊີແຂວງສາລະວັນ ໄດ້ຈັດກອງປະຊຸມຂື້ນ ກ່ຽວ ກັບ ການທາບ ທາມປະເມີນແຜນ ກໍານົດພະນັກງານນໍາພາ-ຄຸ້ມຄອງ ຂອງພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໃນຕອນເຊົ້າຂອງມື້ວັນ ພຸດ, ວັນທີ 07 ສິງຫາ 2013, ເວລາ 08:00 ໂມງ ໂດຍໃຫ້ກຽດ ເປັນປະທານແມ່ນທ່ານ ສີສຸດອນ ອັງຄະໄລ ເລຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນ ໂລຊີແຂວງສາລະວັນ ໃຫ້ກຽດເຂົ້າຮ່ວມຈາກກະຊວງວິທະຍາສາດ ແລະ ເຕັກໂນໂລຊີພ້ອມດ້ວຍທິມງານ 4 ທ່ານ ເຊີ່ງນໍາໂດຍ ທ່ານ ນາງ ໂສດາ ລາດຊະສິມມາ ຮອງກົມຈັດຕັ້ງແລະ ພະນັກງານ ກະຊວງວິທະຍາສາດ ແລະ ເຕັກໂນໂລຊີ.

ນອກຈາກນັ້ນຍັງມີຮອງຄະນະຈັດຕັ້ງແຂວງສາລະວັນ ແລະ ຮອງຫົວໜ້າຫ້ອງ ການວິທະຍາສາດ ແລະ ເຕັກໂນໂລຊີເມືອງສາມສ້າງເຂົ້າຮ່ວມ ເຊີ່ງມີພະນັກງານເຂົ້າຮ່ວມທັງໝົດ 19 ທ່ານ ຍິງ 5 ທ່ານ.ກອງປະຊຸມໄດ້ດໍາເນີນໄປເປັນເວລາ 1 ວັນ ໂດຍປະຕິບັດຕາມວາ ລະອັນພົ້ນເດັ່ນ. ທ່ານທອງ ໃສ ສົນລາສີ ຮອງພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ກໍ່ ໃຫ້ກຽດ ຂື້ນຜ່ານບົດສະຫຼຸບ ການ ຄຸ້ມຄອງ-ນໍາພາ ກ່ຽວກັບພັກພະນັກງານ ເຄີ່ງສະໃໝ 5 ປີ 2010-2013 ແລະ ທິດທາງແຜນການ 2013-2015 ຂອງພະແນກວິທະຍາສາດແລະ ເຕັກໂນໂລຊີ ແຂວງສາລະວັນເຊີ່ງມັນໄດ້ສະແດງໃຫ້ເຫັນເຖິງ ໄຊຊະນະອັນຫຍີ່ງໃຫຍ່ ແລະ ໝາກຜົນອັນຈົບງາມທີ່ທາງພະແນກວິທະຍາສາດ ແລະ ເຕັກໂນໂລຊີແຂວງ ສາລະວັນ ຍາດມາໄດ້. ທ່ານນາງ ໂສດາ ລາດຊະສິມມາ ຮອງກົມຈັດຕັ້ງ ແລະ ພະນັກງານ ກະຊວງວິທະຍາ ສາດ ແລະເຕັກໂນໂລຊີ ກໍ່ໄດ້ເຜີຍແຜ່ຄໍາສັ່ງຂອງກົມການເມືອງສູນກາງພັກ ເລກທີ 08/ກມສພວ່າ ດ້ວຍການຂື້ນແຜນກໍານົດພະນັກງານນໍາພາ-ຄຸ້ມຄອງ ໃນທົ່ວປະເທດ ແລະ ເຜີຍແຜ່ດໍາລັດຂອງລັດຖະ ບານ ເລກທີ 461/ລບວ່າດ້ວຍມາດຕະຖານຕໍາແໜ່ງບໍລິຫານ ຂອງລັດຖະກອນ ແຫ່ງ ສປປ ລາວ. ນອກຈາກນັ້ນ, ທ່ານ ສົມໝາຍ ແກ້ວບຸນເຮືອງ ຮອງຄະນະຈັດຕັ້ງແຂວງສາລະວັນ ກໍ່ໄດ້ໃຫ້ກຽດຂື້ນເຜີຍ ແຜ່ບົດແນະນໍາຂອງຄະນະຈັດຕັ້ງສູງກາງພັກ ສະບັບເລກທີ 198/ຄຈສພ ວ່າດ້ວຍການຂື້ນແຜນກໍາ ນົດພະນັກງານນໍາພາ-ຄຸ້ມຄອງ ໃນທົ່ວປະ ເທດ. ມາຮອດໄລຍະສຸດທ້າຍກອງປະຊຸມໄດ້ມີການປ່ອນບັດທາບ ທາມພະນັກງານນໍາພາ-ຄຸ້ມຄອງ ສຶບທອດ-ປ່ຽນແທນແບບມີປະຊາທິປະໄຕໂດຍປະຕິບັດຕາມ ບົດແນະນໍາ ຂອງຄະນະຈັດ ຕັ້ງສູງກາງພັກ ສະບັບເລກທີ 198/ຄຈສພວ່າດ້ວຍການຂື້ນແຜນກໍານົດພະນັກງານ ນໍາພາ-ຄຸ້ມຄອງ ໃນທົ່ວປະເທດເຊີ່ງໄດ້ດໍາເນີນໄປ 3 ຮອບ ຫຼື 3 ຂັ້ນຕອນຄື: – ຮອບທີ 1: ການປ່ອນບັດ ໂດຍເປີດກ້ວາງ ແບບມີປະຊາທິປະໄຕ ເຊີ່ງພະນັກ ງານ-ລັດຖະກອນທັງໝົດໄດ້ເຂົ້າຮ່ວມ ສາມາດປ່ອນບັດ ທາບທາມເອົາ ພະນັກງານນໍາ ພາ-ຄຸ້ມຄອງສຶບທອດ-ປ່ຽນແທນ ຕາມເປົ້າໝາຍຂອງໃຜລາວ. – ຮອບທີ 2: ແມ່ນ ເອົາສະເພາະ ຫົວໜ້າຂະແໜງ ເຂົ້າປ່ອນບັດ. – ຮອບທີ 3: ແມ່ນ ເອົາສະເພາະ ຄະນະພັກ-ຄະນະນໍາພະແນກ. ທັງນີ້ກໍ່ເພື່ອທາບທາມເອົາພະນັກງານ ບຸກຄະລາກອນເຂົ້າໃນໂຄງປະກອບ ຍຸດທະສາດ ແຫ່ງການພັດທະນາຊັບ ພະຍາກອນມະນຸດຂອງກົມກອງ ເພື່ອທີ່ຈະສາມາດສ້າງ ແລະພັດທະນາຄົນ ໃຫ້ໄປຕາມແນວທາງນະໂນບາຍຂອງພັກ-ລັດ ໃຫ້ມີປະສິດທິພາບຢ່າງ ຈົບງາມ.