ກອງປະຊຸມຄັ້ງທີ I ຂອງ ພວຕ 4 ແຂວງພາກໄຕ້

ໃນລະຫວ່າງວັນທີ 21-22 ມັງກອນ 2015 ພະແນກວິທະຍາສາດ ແລະ ເຕັກໂນໂລຊີ 4 ແຂວງພາໃຕ້ ໄດ້ຮ່ວມ ກັນຈັດກອງປະຊຸມແລກປ່ຽນບົດຮຽນວຽກງານວິທະຍາສາດ ແລະ ເຕັກໂນໂລຊີ ຄັ້ງທີ I ໂດຍພະແນກວິທະຍາ ສາດ ແລະ ເຕັກໂນໂລຊີແຂວງອັດຕະປືເປັນເຈົ້າພາບ ເຊິ່ງມີຄະນະນຳ ແລະ ພະນັກງານວິຊາການຈາກພະແນກ ວິທະຍາສາດ ແລະ ເຕັກໂນໂລຊີ ສີ່ແຂວງພາກໃຕ້ ເຂົ້າຮ່ວມ.ຈຸດປະສົງຫຼັກຂອງການຈັດກອງປະຊຸມໃນຄັ້ງນີ້ແມ່ນເພື່ອເປັນການປືກສາຫາລື, ແລກປ່ຽນຖອດຖອນບົດຮຽນ ພ້ອມທັງເປັນການວາງແຜນເພື່ອເປັນການພັດທະນາວຽກງານໃນຂົງເຂດວຽກງານວິທະຍາສາດ ແລະ ເຕັກໂນໂລຊີ 4 ແຂວງພາກໄຕ້ (ສາລະວັນ, ຈໍາປາສັກ, ອັດຕະປີ ແລະ ເຊກອງ) ແລະ ໃນຕອນແລງມື້ທຳອິດໃນການພົບປະ ແລກປ່ຽນບົດຮຽນຄັ້ງນີ້ ທັງສີ່ພະແນກການ ໄດ້ຮ່ວມກັນຈັດການແຂ່ງຂັນກິລາບານເຕະມິດຕະ ພາບຂື້ນ ຢູ່ທີ່ເດີ່ນ ຫຍ້າທຽມຂອງແຂວງອັດຕະປື ໂດຍຜົນການແຂ່ງຂັນ ຊະນະເລິດອັນດັບ 1 ທິມບານເຕະ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ. ຮອງຊະນະເລີດ ທິມບານເຕະ ພະແນກວິທະຍາສາດ ແລະ ເຕັກໂນໂລຊີ ແຂວງອັດຕະປື ແລະ ອັນດັບ 3 ທິມບານເຕະ ພະແນກວິທະຍາສາດ ແລະ ເຕັກໂນໂລຊີແຂວງຈຳປາສັກ.