ກອງປະຊຸມສຳມະນາວິທະຍາສາດ ແລະ ເຕັກໂນໂລຊີ

ໃນຕອນເຊົ້າຄັ້ງວັນທີ 20/3/2014, ທີ່ຫ້ອງປະຊຸມຂອງພະແນກວິທະຍາສາດ ແລະ ເຕັກໂນໂລຊີແຂວງກວາງຈິ, ພະແນກວິທະຍາສາດ ແລະ ເຕັກໂນໂລຊີແຂວງກວາງຈິ ໄດ້ສົມທົບກັບ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ຈັດກອງປະຊຸມສຳມະນາ ຕີລາຄາຖອດຖອນບົດຮຽນກາງວາລະໃນການຈັດຕັ້ງປະຕິ ບັດໂຄງການ “ກວດກາຕີລາຄາສັງລວມ ເງື່ອນໄຂທຳມະຊາດຊັບພະຍາກອນທຳມະ ຊາດ, ສິ່ງແວດລ້ອມ ເສດຖະກິດ-ສັງຄົມ ແລະສ້າງຖານຂໍ້ມູນດ້ານວິທະຍາສາດ ແລະ ເຕັກໂນໂລຊີຮັບໃຊ້ການພັດທະນາແຂວງສາລະວັນສປປລາວ ແບບຢືນຍົງ”. ໂດຍໃຫ້ກຽດຮ່ວມເປັນຄະນະປະທ່ານກອງປະຊຸມສຳມະນາ ນຳໂດຍ ທ່ານ ສີເຮັ່ງ ຫອມສົມບັດ ຄະນະປະຈຳພັກແຂວງ, ຮອງເຈົ້າແຂວງໆສາລະວັນ (ປະທ່ານຄະນະກຳມະການຂັ້ນແຂວງສົມທົບຈັດຕັ້ງປະຕິບັດໂຄງການ), ທ່ານ ຫງຽນກວັນຈີນ ຄະນະປະຈຳພັກແຂວງ ຮອງເຈົ້າແຂວງໆກວາງຈິ, ທ່ານ ຫງຽນຮືວຢູ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງກວາງຈິ, ທ່ານ ສີສຸດອນ ອັງຄະໄຣ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ແລະ ເຂົ້າຮ່ວມກອງປະຊຸມໃນຄັ້ງນີ້ ປະກອບດ້ວຍ ຄະນະນຳພະແນກການ, ອົງການທຽບເທົ່າ ແລະ ບັນດາທ້ອງຖິ່ນຂອງແຂວງສາລະວັນ ແລະ ແຂວງກວາງຈິ.

ຈຸດປະສົງຂອງກອງປະຊຸມສຳມະນາຄັ້ງນີ້, ເພື່ອເປັນການລາຍງານຜົນການຈັດຕັ້ງປະຕິບັດໂຄງການຮ່ວມມືສາກົນດ້ານ ວິທະຍາສາດ ແລະ ເຕັກໂນໂລຊີ ທີ່ນອນຢູ່ໃນອະນຸສັນຍາການຮ່ວມມືດ້ານວິທະຍາສາດ ແລະ ເຕັກໂນໂລຊີ ລະຫວ່າງລັດຖະບານຂອງສອງປະເທດ ແລະ ພ້ອມດຽວກັນນັ້ນ, ກໍ່ເພື່ອກວດການ ແລະ ເພີ່ມເຕີມບາງຂໍ້ມູນຕົວເລກ ດ້ານເງື່ອນໄຂທຳມະຊາດ, ຊັບພະຍາກອນທຳມະຊາດ, ສິ່ງແວດລ້ອມ ແລະ ເສດຖະກິດສັງຄົມ ທີ່ຍັງເຫັນວ່າບໍ່ທັນຄົບຖ້ວນ ແລະ ຊັດເຈນຈາກຄະນະຜູ້ແທນແຂວງສາລະວັນ ແລະ ພ້ອມດ້ວຍການວາງທິດທາງແຜນການຈັດຕັ້ງປະຕິບັດໂຄງການດັ່ງກ່າວນີ້ປະ ຈຳສົກປີ 2014.