ກອງປະຊຸມ ປັບປຸງ ປົວແປງພັກ ຂອງ ພວຕ ແຂວງສາລະວັນ

ໃນຕອນເຊົ້າຂອງວັນທີ 24 ກໍລະກົດ 2017 ໜ່ວຍພັກພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຈັດກອງປະຊຸມ ບັ້ນດໍາເນີນຊີວິດການເມືອງ ປັບປຸງປົວແປງພັກ ພາຍໃນໜ່ວຍພັກພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໂດຍກໍານົດໄລຍະເວລາ 3 ມື້ ເລີ່ມແຕ່ວັນທີ 24-26 ກໍລະກົດ 2017 . ກອງປະຊຸມໃນຄັ້ງນີ້ໄດ້ຮັບກຽດເຂົ້າຮ່ວມຂອງທ່ານ ວິຊຽນ ນະວີກຸນ ຄະນະປະຈໍາພັກແຂວງສາລະວັນຜູ້ຊີ້ນໍາວຽກງານ ວິທະຍາສາດ ແລະ ເຕັກໂນໂລຊີ ແຂວງສາລະວັນ. ດ້ວຍການເປັນປະທານຂອງ ສະຫາຍ ສີສຸດອນ ອັງຄະໄລ ເລາຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນໂລຊີ.

ກອງປະຊຸມໄດ້ມີສາມະຊິກພັກເຂົ້າຮ່ວມທັງໝົດ 11 ສະຫາຍ, ຍິງ 3 ສະຫາຍ. ກອງປະຊຸມດັ່ງກ່າວໄດ້ຮັບຟັງການເຊື່ອມຊືມເອກະສານເດັດດ່ຽວປົວແປງພັກໃຫ້ປອດໃສເຂັ້ມແຂງ ແລະ ໜັກແໜ້ນ ໂດຍສະຫາຍເລຂາໜ່ວຍພັກ, ພ້ອມກັນນັ້ນກໍ່ຍັງໄດ້ຮັບຟັງການສະຫຼຸບຕີລາຄາ ການນໍາພາຮອບດ້ານເຄີ່ງສະໃໝຂອງໜ່ວຍພັກ, ກອງປະຊຸມຈະໄດ້ດໍາເນີນຊີວິດການເມືອງດ້ວຍການຜ່ານບົດສໍາຫຼວດຂອງແຕ່ລະສະຫາຍສາມະຊິກພັກ ພ້ອມທັງຂຽນກິດສໍາພັນຕໍານິສົ່ງຂ່າວ ຊ່ວຍເຫຼືອກໍ່ສ້າງເຊີ່ງກັນແລະກັນຢ່າງສ້າງສັນ ບົ້ນພື້ນຖານຄວາມເປັນຈິງ.

ສີ່ງທີ່ສໍາຄັນທີ່ສຸດ ກອງປະຊຸມຂອງພວກເຮົາຍັງໄດ້ຮັບກຽດຈາກທ່ານ ວິຊຽນ ນະວີກຸນ ຄະນະປະຈໍາພັກແຂວງສາລະວັນ ຜູ້ຊີ້ນໍາວຽກງານວິທະຍາສາດ ແລະ ເຕັກໂນໂລຊີ ໃຫ້ກຽດມີຄໍາເຫັນຊີ້ນໍາ ແລະ ໂອ້ລົມຕໍ່ກອງປະຊຸມ ທີ່ເຕັມໄປດ້ວຍເນື້ອໃນທີ່ມີຄວາມໝາຍຄວາມສໍາຄັນຢ່າງເລິກເຊີ່ງ ທີ່ສາມາດນໍາໄປຈັດຕັ້ງປະຕິບັດໃຫ້ເກີດດອກອອກຜົນຕໍ່ກອງປະຊຸມ ແລະ ໃນວຽກງານວິທະຍາສາດ ແລະ ເຕັກໂນໂລຊີອີກດ້ວຍ.