ໜ່ວຍພັກຮາກຖານພະແນກວິທະຍາສາດ ແລະ ເຕັກໂນໂລຊີແຂວງ ຈັດພິທີຮັບເອົາສະມາຊິກພັກຊຸດໃໝ່

ໃນຕອນບ່າຍຂອງວັນທີ 29 ກັນຍາ 2014 ໜ່ວຍພັກຮາກຖານ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ກໍ່ໄດ້ຈັດກອງປະຊຸມຂື້ນ ເພື່ອເປັນການ ຕົກລົງຮັບເອົາມາຫາຊົນກ້າວໜ້າເຂົ້າສາມະຊິກພັກສໍາຮອງ ໃນນັ້ນລວມມີທັງໝົດ 02 ສະຫາຍ, ຍິງ 01 ສະຫາຍ. ກອງປະຊຸມໄດ້ຮັບກຽດເປັນປະທານໂດຍທ່ານ ທອງໃສ ສົນລາສີ ຮອງເລຂາໜ່ວຍພັກ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ.ກອງປະຊຸມໄດ້ມີຜູ້ແທນເຂົ້າຮ່ວມທັງໝົດ 12 ສະຫາຍ, ສາມະຊິກພັກ 04 ສະຫາຍ, ແຂກຖືກເຊີນຈາກຄະນະກວດກາລັດແຂວງ 01 ສະຫາຍ ແລະ ຄະນະຈັກຕັ້ງແຂວງສາລະວັນ 01 ສະຫາຍ. ເພື່ອເຮັດໃຫ້ກອງປະຊຸມມີຄວາມໝາຍເລີກເໍີ່ງຂື້ນຕື່ມ ທ່ານ ທອງໃສ ສົນລາສີ ຮອງເລຂາໜ່ວຍພັກ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ກໍ່ໃຫ້ກຽດໂອ້ລົມ ເຊື່ອມຊືມແນວທາງນະໂຍບາຍຂອງພັກ ຕໍ່ສາມະຊິກພັກຄົນໃໝ່ ເພື່ອເຮັດໃຫ້ກໍາໄດ້ຕາມແນວທາງນະໂຍບາຍ ອັນສະຫຼາດສ່ອງໃສຂອງພັກ, ໃຫ້ສາມາດຈໍາແນກໄດ້ມິດ ແລະ ສັດຕູ ຢ່າງຈະແຈ້ງ, ກຽມພ້ອມຮັບໃຊ້ຕາມໜ້າທີ່ການເມືອງຂອງພັກ ຝຶກຝົນຫຼໍ່ຫຼອມຕົນເອງໃຫ້ກາຍເປັນສາມະຊິກທີ່ມີຄຸນນະພາບສູງ