DCIM100MEDIA

ກອງປະຊຸມໃຫຍ່ຄັ້ງທີ I ຂອງໜ່ວຍສະຫາພັນແມ່ຍິງ

ໃນຕອນເຊົ້າຂອງວັນທີ 24 ຕຸລາ 2014 ຜ່ານມານີ້ ໜ່ວຍສະຫາພັນແມ່ຍິງຂອງພະແນກວິທະຍາສາດ ແລະ ເຕັກໂນໂລຊີແຂວງສາ ລະວັນ ໄດ້ຈັດກອງປະຊຸມໃຫຍ່ ຄັ້ງທີ I ຂອງຕົນຂຶ້ນ ໂດຍພາຍໃຕ້ການເປັນປະທານຂອງທ່ານ ທອງໃສ ສົນລາສີຮອງເລຂາໜ່ວຍພັກ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ. ນອກຈາກນັ້ນຜູ້ແທນກອງປະຊຸມຍັງໄດ້ຕ້ອນຮັບການເຂົ້າຮ່ວມຂອງທ່ານ ນາງ ບົວລາ ສຸດທິຈັກ, ຮອງປະທານສະຫະພັນແມ່ຍິງ ແຂວງສາລະວັນ. ກອງປະຊຸມດັ່ງກ່າວມີຜູ້ແທນເຂົ້າຮ່ວມທັງໝົດ 13 ສະຫາຍ, ຍິງ 08 ສະຫາຍ.

ກອງປະຊຸມໃຫຍ່ ຄັ້ງທີ I ຂອງໜ່ວຍສະຫາພັນແມ່ຍິງ ພະແນກວິທະຍາສາດ ແລະ ເຕັກໂນໂລຊີແຂວງ ໄດ້ພ້ອມກັນຮັບຮອງເອົາບັນດາເນື້ອໃນສຳຄັນດັ່ງນີ້: ໃນທີ່ກອງປະຊຸມຍັງໄດ້ຜ່ານຮ່າງບົດລາຍງານການເມືອງຂອງໜ່ວຍແມ່ຍິງ ສົກປີ 2011-2014. ກອງປະຊຸມໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນຕໍ່ບົດຕີລາຄາຜົນການຈັດຕັ້ງປະຕິບັດວຽກງານຮອບດ້ານທີ່ເຕັມໄປດ້ວຍເນື້ອໃນທີ່ມີຄວາມໝາຍອັນເລິກເຊິ່ງ ແລະ ມີຄວາມຮັບຜິດຊອບສູງ, ຮັບຮອງເອົາບັນດາທິດທາງແຜນການໃນຕໍ່ໜ້າ. ຄະນະສະຫະພັນແມ່ຍິງແຕ່ລະຂັ້ນຕ້ອງໄດ້ເພີ້ມທະວີການສຶກສາອົບຮົມການເມືອງແນວຄິດໃຫ້ແກ່ຖັນແຖວສະມາຊິກແມ່ຍິງ ແລະ ແມ່ຍິງບັນດາເຜົ່າ ເພື່ອສືບຕໍ່ຈັດຕັ້ງປະຕິບັດໜ້າທີ່ວຽກງານ ແລະ ປັບປຸງດ້ານປະລິມານ, ຄຸນນະພາບ, ແບບແຜນນຳພາ, ແບບແຜນວິທີເຮັດວຽກໃຫ້ມີປະສິດທິຜົນສູງຂຶ້ນ. ກອງປະຊຸມໃຫຍ່ແມ່ຍິງຄັ້ງທີ I ຂອງໜ່ວຍແມ່ຍິງ ໄດ້ມີການຄັດເລືອກເອົາຄະນະໜ່ວຍຊຸດໃໝ່ ເຊິ່ງມີ 2 ສະ ຫາຍຄື: ທ່ານ ນາງ ສຸພາລັກ ພິລາພັນເດດ ເປັນຫົວໜ້າໜ່ວຍ ແລະ ທ່ານ ນາງ ສົງ ອົບມາໄລ ເປັນຮອງ. ກອງປະຊຸມຄັ້ງນີ້ຮຽກຮ້ອງໃຫ້ພະນັກງານ, ສະມາຊິກສະຫະພັນແມ່ຍິງພາຍໃນໜ່ວຍ, ທຸກຄົນຈົ່ງຕັ້ງໜ້າຄົ້ນຄວ້າຮໍ່າຮຽນ, ກຳແໜ້ນ ແລະ ເຊື່ອມຊຶມຕໍ່ບົດລາຍງານການເມືອງຢ່າງເລິກເຊິ່ງ, ເພື່ອຜັນຂະຫຍາຍມະຕິກອງປະຊຸມໃຫຍ່ໃຫ້ປະກົດຜົນເປັນຈິງ.