ກອງປະຊຸມໃຫຍ່ຄັ້ງທີ I ຮາກຖານຊາວໜຸ່ມ ພວຕ ແຂວງສາລະວັນ

ວັນທີ 28 ສິງຫາ 2013 ໜ່ວຍຮາກຖານຊາວໜຸ່ມປະຊາຊົນປະຕິວັດລາວ ພະແນກວິ ທະຍາສາດແລະເຕັກໂນໂລຊີແຂວງ ສາລະວັນໄດ້ຈັດກອງປະຊຸມໃຫຍ່ຄົບຮອບໜື່ງ ສະໃໝຂອງ ເລຂາໜ່ວຍຮາກຖານຊາວໜຸ່ມຂອງ ພະແນກຂື້ນໂດຍການ ເປັນປະທານຂອງ ທ່ານ ສີສຸດອນ ອັງຄະໄລເລຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນໂລ ຊີແຂວງສາລະວັນ, ໃຫ້ກຽດເຂົ້າຮ່ວມໂດຍ ທ່ານໜູຕຽມ ຄໍາປະເສີດກໍາມະການສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານ ຊາວໜຸ່ມແຂວງສາລະວັນ.ກອງປະຊຸມໄດ້ມີສະມາຊິກຊາວໜຸ່ມເຂົ້າຮ່ວມທັງ ໝົດ17 ສະຫາຍ ຍິງ 5 ສະຫາຍ ແລະ ແຂກຮັບເຊີນ ອີກຈໍານວນໜື່ງ.
ສະຫາຍສົມຈິດ ທໍາມະເທວາ ເລຂາໜ່ວຍຮາກຖານຊາວໜຸ່ມປະຊາຊົນປະຕິວັດ ລາວພະແນກວິທະຍາສາດແລະ ເຕັກໂນ ໂລຊີແຂວງ ສາລະວັນ ກໍ່ໄດ້ຂື້ນຜ່ານບົດລາຍງານ ການເມືອງແລະວາງທິດທາງແຜນການໃນຕໍ່ໜ້າ ເຊີ່ງມັນໄດ້ສະແດງໃຫ້ເຫັນ ເຖິງຜົນງານຕ່າງໆທີ່ບັນ ດາສະຫາຍສະມາຊິກຊາວໜຸ່ມຍາດມາໄດ້ຕິດພັນກັບວຽກງານວິຊາສະເພາະນອກຈາກນັ້ນ, ທ່ານ ສີສຸດອນ ອັງຄະໄລ ເລຂາໜ່ວຍພັກຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ ແລະ ບັນດາສະມາຊິກຊາວໜຸ່ມກໍ່ ໄດ້ປະກອບຄໍາຄິດຄໍາເຫັນ-ຕີລາຄາໃສ່ ບົດລາຍງານການເມືອງ ແລະ ທິດທາງແຜນການຢ່າງກົງໄປ ກົງມາເຊີ່ງເຕັມໄປດ້ວຍຄວາມ ໝາຍ-ຄວາມສໍາຄັນອັນເລິກເຊີ່ງ.
ກອງປະຊຸມ ໄດ້ທາບທາມ ແລະ ປ່ອນບັດເລືອກຕັ້ງເອົາ ຄະນະເລຂາໜ່ວຍຮາກ ຖານຊາວໜຸ່ມປະຊາຊົນປະຕິວັດລາວ ຊຸດໃໝ່ ຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນເຊີ່ງມີຜູ້ລົງສະໝັກເລືອກຕັ້ງທັງໝົດ 5 ສະຫາຍ ໂດຍເລືອກ ເອົາ 3 ໃນ 5 ສະຫາຍ.ບັນດາສະມາຊິກແຕ່ລະສະຫາຍກໍ່ໄດ້ນໍາໃຊ້ສິດປະຊາທິປະໄຕຢ່າງເຕັມສ່ວນໃນການບັດຄັດເລືອກ ເອົາຄະນະ ເລຂາໜ່ວຍຮາກຖານຊາວໜຸ່ມປະຊາຊົນປະຕິວັດລາວຊຸດໃໝ່.
ກອງປະຊຸມໄດ້ເລືອກຕັ້ງແລະ ລົງຄະແນນສຽງຢ່າງເປັນເອກະສັນ ໂດຍຮັບຮອງເອົາຄະນະ ເລຂາໜ່ວຍຮາກຖານຊາວ ໜຸ່ມປະຊາ ຊົນ ປະຕິວັດລາວຊຸດໃໝ່ ຂອງພະແນກວິທະຍາ ສາດ ແລະເຕັກໂນໂລຊີແຂວງສາລະວັນ ມີ 3 ສະຫາຍຄື:
ສະຫາຍ ສັດຕະຍາ ຊົມຈັນ ເລຂາໜ່ວຍຮາກຖານ ຊປປ ລາວ ຊຸດໃໝ່
ສະຫາຍ ນາງ ລັດສະນີກອນ ພືດຜົນ ຮອງເລຂາໜ່ວຍຮາກຖານ ຊປປ ລາວ ຊຸດໃໝ່
ສະຫາຍ ພອນສະຫວັນ ໄຊສົງຄາມ ຄະນະປະທານກວດກາ
ສະຫາຍສົມຈິດ ທໍາມະເທວາ ພ້ອມຄະນະໜ່ວຍຮາກຖານ ຊປປ ລາວ ຊຸດເກົ່າກໍ່ໄດ້ຂື້ນກ່າວລາໜ້າທີ່ ເພື່ອໃຫ້ບັນດາ ສະຫາຍຄະນະເລຂາໜ່ວຍຮາກຖານຊາວໜຸ່ມປະຊາຊົນປະຕິວັດລາວ ຊຸດໃໝ່ຂອງ ພະແນກວິທະຍາສາດ ແລະ ເຕັກໂນໂລຊີ ແຂວງ ສາລະວັນໄດ້ດໍາເນີນຕາມວາລະຕໍ່ໄປ. ນອກຈາກນັ້ນ ທ່ານ ໜູຕຽມ ຄໍາປະເສີດກໍາມະການສູນກາງຊາວ ໜຸ່ມປະຊາຊົນ ປະຕິວັດລາວເລຂາຄະນະບໍລິຫານງານຊາວໜຸ່ມ ແຂວງສາລະວັນກໍ່ໃຫ້ກຽດຂື້ນໂອ້ລົມ ແລະໃຫ້ທິດເຍືອງທາງໃນການຈັດ ຕັ້ງປະຕິບັດໃຫ້ແກ່ຄະນະເລຂາໜ່ວຍຮາກຖານຊາວໜຸ່ມປະຊາຊົນປະຕິວັດລາວຊຸດໃໝ່ທີ່ເຕັມໄປດ້ວຍຄວາມສໍາຄັນອັນລໍ້າຄ່າຢ່າງເລິກເຊີ່ງທ່ານໄດ້ກ່າວໃຫ້ເຫັນໃນຫຼາຍໆບັນຫາ ຫຼາຍໆດ້ານທີ່ເປັນອັນທ້າທາຍ ຕໍ່ກັບການຈັດຕັ້ງປະຕິບັດວຽກງານໃນຕໍ່ໜ້າ.