ການໂຄສະນາເຜີຍແຜ່ການນຳໃຊ້ສື່ສັງຄົມອອນລາຍຕິດພັນການນຳໃຊ້ວຽກງານ,ວິທະຍາສາດ ແລະ ເຕັກໂນໂລຊີ ເຂົ້າໃນການພັດທະນາເສດຖະກິດຄອບຄົວ ແລະ ການສຶກສາ ຢູ່ເມືອງລະຄອນເພັງ

ໃນວັນທີ 16 ມັງກອນ 2020 ທີຜ່ານມານີ້ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ. ນຳໂດຍ ທ່ານ ຂັນໄຊ ລັດຖະເຮົ້າ.ກຳມະການພັກແຂວງ,ຫົວໜ້າພະແນກເຕັກໂນໂລຊີ ແຂວງສາລະວັນ,ໄດ້ຮ່ວມກັບຄະນະໂຄສະນາອົບຮົມ ແຂວງສາລະວັນ, ພະແນກໄປສະນີໂທລະຄົມມະນາຄົມ ແລະ ສື່ສານ ແລະ ພະແນກການອື່ນທີກ່ຽວຂ້ອງ.ລົງເຄື່ອນໄຫວໂຄສະນາເຜີຍແຜ່ການນຳໃຊ້ສື່ສັງຄົມອອນລາຍໃຫ້ຖຶກຕ້ອງ ແລະ ນຳໃຊ້ວຽກງານ, ວິທະຍາສາດ ແລະ ເຕັກໂນໂລຊີເ ,ເຂົ້າໃນການພັດທະນາເສດຖະກິດຄອບຄົວ ແລະ ການສຶກສາຢູ່ທີ່ເມືອງລະຄອນເພັງ.
ຈຸດປະສົງຫຼັກໃນການເຄື່ອນໄຫວໃນຄັ້ງນີ້ກໍ່ເພື່ອເຮັດໃຫ້ພະນັກງານ-ລັດຖະກອນ, ຄູອາຈານ,ນັກຮຽນນັກສຶກສາ. ໄດ້ຮູ້ ແລະ ເຂົ້າໃນໃນສື່ສັງຄົມອອນລາຍໃຫ້ຖຶກຕ້ອງພ້ອມທັງການນຳໃຊ້ວິທະຍາສາດ ແລະ ເຕັກໂນໂລຊີ, ເຂົ້າໃນການພັດທະນາເສດຖະກິດຄອບຄົວ ແລະ ການສຶກສາໃຫ້ເກີດປະສິດທິພາບ ແລະ ປະສິດທິຜົນສູງສຸດ ແລະ ກໍ່ເພື່ອຕ້ານປະກົດການຫໍ້ຍທໍ້ຕ່າງໆທີເກີດຂຶ້ນໃນສັງຄົມ,ຄອບຄົວ ແລະ ໂຮງຮຽນ ໃຫ້ກຽດເປັນປະທານໂດຍ: ທ່ານ ສີເຮັງ ຫອມສົມບັດ, ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມ ແຂວງສາລະວັນ.ເຊິ່ງມີເຈົ້າເມືອງ,ຄະນະປະຈຳພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການເມືອງ,ເລຂາພັກ-ນາຍບ້ານເທດສະບານ,ພະນັກງານ-ລັດຖະກອນຕະຫຼອດຮອດນັກຮຽນ.ນັກສຶກສາເຂົ້າຮ່ວມ.
ໃນສອງຈຸດ (ຢູ່ສະໂມສອນໃຫ່ຍຂອງເມືອງ ແລະ ມສດ່ານ) , ມີທັງໝົດ:934 ຄົນ, ຍິງ 479 ຄົນ, ໃນນັ້ນມີສຳມະຊິກພັກເຂົ້າຮ່ວມ 120 ສະຫາຍ, ຍິງ 37 ສະຫາຍ