ກອງປະຊູມປະຖະກະຖາ ແລະ ສະເຫຼີມສະຫຼອງວັນວິທະຍາສາດແຫ່ງຊາດ ວັນທີ 12 ຕຸລາ

ພະແນກວິທະຍາສາດ ແລະ ເຕັກໂນໂລຊີ ແຂວງ ສາລະວັນ,ໄດ້ຈັດຕັ້ງພິທີປະຖະກະຖາສະເຫຼີມສະຫຼອງວັນວິທະຍາສາດແຫ່ງຊາດ ວັນທີ 12 ຕຸລາ, ເຊິ່ງໄດ້ຈັດຂຶ້ນໃນຕອນບ່າຍ ວັນທີ 31 ຕຸລາ 2019, ໃຫ້ກຽດບັນລະຍາຍ ເອກະສານຂອງ ທ່ານ ແຫວນເພັດ ລັດດາວົງ ກຳາມະການພັກແຂວງ,ເລຂາໜ່ວຍພັກ ແລະ ຫົວໜ້າາພະແນກວິທະຍາສາດ ແລະ ເຕັກໂນໂລຊີແຂວງ, ຄະນະພະແນກ,ຫົວໜ້າຂະແໜງ,ຮອງຂະແໜງ,ຫົວໜ້າຫ້ອງການ ວິທະຍາສາດ ແລະ ເຕັກໂລຊີເມືອງ ແລະ ພະນັກງານລັດຖະກອນພາຍໃນພະແນກເຂົ້າຮ່ວມ.
ທ່ານ ແຫວນເພັດ ລັດດາວົງ ກໍາມະການພັກແຂວງ ເລຂາໜ່ວຍພັກ,ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງໄດ້ຍົກໃຫ້ເຫັນບົດຖະແຫຼ່ງຂ່າວຂອງ ທ່ານບັນດິດ ສຈ ບໍ່ວຽງຄໍາ ວົງດາລາ ກຳມະການສູນກາງພັກຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ປະທານສາພາວິທະຍາສາດແຫ່ງຊາດ ເຊິ່ງທ່ານໄດ້ໃຫ້ຮູ້ວ່າ ໃນໄລຍະຜ່ານມາແມ່ນໄດ້ປັບປຸງ ແລະ ພັດທະນາວິທະຍາສາດ ແລະ ເຕັກໂນໂລຊີ ແລະ ນະວັດຕະກໍາ,ຊັບສິນທາງປັນຍາມາດຕະຖານ ແລະ ວັດແທກ ແຕ່ນີ້ເຖິງປີ 2030, ເຊິ່ງເປັນແຜນຍຸດທະສາດການພັກທະນາ ທີ່ເຊື່ອມສານ ກັບຂະແໜງການຕ່າງໆກໍ່ຄືພາກພື້ນ ແລະ ສາກົນ
ໃນໄລຍະໃໝ່ຍຸກອຸດສາຫະກໍາ 4,0 ເພື່ອພັດທະນາໃຫ້ມີການຂະຫຍາຍຕົວຢ່າງກວ້າງຂວາງ ແລະ ຮ່ວມມືກັບຫຼາຍປະເທດ,ນອກນັ້ນຈາກນັ້ນທ່ານປະທານກອງປະຊຸມຍັງໄດ້ນຳເອົາເອກະສານມະຕິກອງປະຊຸມວຽກງານວິທະຍາ ສາດ ແລະ ເຕັກໂນໂລຊີທົ່ວປະເທດຄັ້ງທີ III ປີ 2019 ມາເຜີຍແຜ່ເຊື່ອມຊື່ມໃຫ້ພະນັກງານພະແນກວິທະຍາສາດ ແລະ ເຕັກໂນໂລຊີແຂວງສາລະວັນ, ຮັບຮູ້ ແລະ ເຂົ້າໃຈເຖິງຄວາມໝາຍຄວາມສຳຄັນຂອງວຽກງານດັ່ງກ່າວ