ເຈົ້າແຂວງສາລະວັນ ມອບເຄື່ອງອຸປະໂພກ-ບໍລິໂພກ ແລະ ເງິນສົດ ຊ່ວຍເຫຼືອຜູ້ປະສົບໄພນ້ຳຖ້ວມ ເມືອງສາລະວັນ ເກືອບ 400 ລ້ານກີບ

ໃນວັນທີ 6 ກັນຍາ 2019 ນີ້, ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ຕາງໜ້າໃຫ້ອົງການປົກຄອງແຂວງສາລະວັນ ພ້ອມດ້ວຍຄະນະ ໄດ້ນຳເອົາເຄື່ອງຊ່ວຍເຫຼືອໄປມອບໃຫ້ອົງການປົກຄອງເມືອງສາລະວັນ ເພື່ອສືບຕໍ່ນຳໄປມອບໃຫ້ພໍ່ແມ່ປະຊາຊົນ, ມີປະເພດເຄື່ອງນຸ່ງຫົ່ມ ຍິງ-ຊາຍ ແລະ ເດັກນ້ອຍ ຈຳນວນ 400 ສອບ ມູນຄ່າ 280 ລ້ານກີບ, ໜີ່ 500 ແກັດ ມູນຄ່າ 12 ລ້ານກວ່າກີບ, ປາປ໋ອງ 150 ແກັດ ແລະ ນ້ຳດື່ມ 100 ແກັດ ລວມມູນຄ່າເປັນວັດຖຸທັງໝົດ 299 ລ້ານກວ່າກີບ, ພ້ອມດ້ວຍເງິນສົດ 80 ລ້ານກີບ. ຕາງໜ້າອົງການປົກຄອງເມືອງ ຮັບໂດຍ: ທ່ານ ທຶງ ຈອມມະນີ ເຈົ້າເມືອງໆສາລະວັນ ພ້ອມດ້ວຍຄະນະ, ມີບັນດາພະແນກການ, ຫ້ອງການເຂົ້າຮ່ວມ. ຊື່ງວັດຖຸສິ່ງຂອງ ແລະ ເງິນສົດທີ່ນຳມາມອບ ແລະ ຊ່ວຍເຫຼືອປະຊາຊົນໃນຄັ້ງນີ້ ມີມູນຄ່າ 379 ລ້ານກວ່າກີບ.

ພາບ ແລະ ຂ່າວ: ສື່ມວນຊົນແຂວງສາລະວັນ