ໜ່ວຍພັກພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຈັດກອງປະຊຸມດຳເນີນຊີວິດການເມືອງທ້າຍສະໄໝເພື່ອກະກຽມໃສ່ກອງປະຊຸມໃຫຍ່ຄັ້ງທີ II ໃນວັນທີ 12-14 /6/2019

ໃນຕອນເຊົ້າວັນທີ 12 ມີຖູນາ 2019 ໜ່ວຍພັກພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຈັດກອງປະຊຸມດຳເນີນຊີວິດການເມືອງທ້າຍສະໄໝຂຶ້ນ ທີຫ້ອງປະຊຸມຂອງພະແນກວິທະຍາສາດ ແລະ ເຕັກໂນໂລຊີແຂວງ. ໂດຍໃຫ້ກຽດເປັນປະທານ ສະຫາຍ ແຫວນເພັດ ລັດດາວົງ,ເລຂາໜ່ວຍພັກພະແນກວິທະຍາສາດ ແລະ ເຕັກໂນໂລຊີກຳມະການພັກແຂວງ ໂດຍມີແຂກທີຖຶກຮັບເຊີນເຂົ້າຮ່ວມຄື: ຄະນະຈັດຕັ້ງແຂວງ,ຄະນະໂຄສະນາແຂວງ,ຄະນະກວດກາແຂວງ,ຫ້ອງວ່າການແຂວງ,ພ້ອມດ້ວຍສະມະຊິກພັກແລະ ພະນັກງານ-ລັດຖະກອນ ເຂົ້າຮ່ວມທັງໝົດ 27 ສະຫາຍ,ຍິງ 11 ສະຫາຍ ພ້ອມນັ້ນກອງປະຊຸມກໍ່ໄດ້ດຳເນີນໄປຕາມເນື້ອໃນເຜີຍແຜ່ເຊື່ອມຊື່ມບັນດາເອກກະສານຕ່າງໆທິກ່ຽວພັນກັບການດຳເນີນໍີວິດການເມືອງຄື:
1. ເຊື່ອມຊືມເອກະສານເດັດດ່ຽວປັບປຸງປົວແປງພັກໃຫ້ປອດໃສ,ເຂັ້ມແຂງ ແລະ ໜັກແໜ້ນ.
2. ເຊື່ອມຊືມຄຳສັ່ງຂອງຄະນະປະຈຳພັກແຂວງ ເລກທີ 02/ຄຈພຂ,ສວ, ລົງວັນທີ 5/7/2018 ວ່າດ້ວຍ:ການກະກຽມດຳເນີນກອງປະຊມໃຫ່ຍຂອງອົງຄະນະພັກແຂວງ,ອົງຄະນະພັກເມືອງ ແລະ ຮາກຖານພັກໃນທົ່ວແຂວງສາລະວັນ.
3. ເຊື່ອມຊືມບົດແນະນຳຂອງຄະນະກວດກາແຂວງ ເລກທີ 460/ຄກຄ,ລົງວັນທີ 29 ຕຸລາ 2018 ກ່ຽວກັບການດຳເນີນຊີວິດການເມືອງພາຍໃນພັກເພື່ອກ້າວເຂົ້າສູ້ກອງປະຊຸມໃຫ່ຍ 03 ຂັ້ນຂອງພັກ.(ຕິດພັນກັບການແນະນຳຂຽນກິດສຳພັນສົ່ງຂ່າວຊ່ວຍເຫຼືອເຊິ່ງກັນ ແລະ ກັນ).
4. ຮ່າງລາຍງານການເມືອງຂອງໜ່ວຍພັກ ພະແນກວິທະຍາສາດ ແລະ ເຕັກໂນໂລຊີ ຄັ້ງທີ II.
5. ຮ່າງບົດສຳຫຼວດການນຳພາລວມ ຂອງໜ່ວຍພັກ ພະແນກວິທະຍາສາດ ແລະ ເຕັກໂນໂລຊີ ຕັ້ງທີ II,
6. ບົດສະຫຼຸບການປະຕິບັດແຜນພັດທະນາ ວິທະຍາສາດ ແລະ ເຕັກໂນໂລຊີ 5 ປີ 2014-2018 ແລະ ທິດທາງ 5 ປີ ກອງປະຊຸມໄດ້ດຳເນີນມາເປັນເວລາ 3 ວັນເຕັມ,ແລະ ໄດ້ຮັບກຽດຕ້ອນຮັບຈາກ ສະຫາຍ ຄຳຈັນ ແຈ່ມສະໝອນ,ຄະນະປະຈຳພັກແຂວງ,ປະທານຄະນະກວດກາແຂວງ,ຕ່າງໜ້າການນຳຂັ້ນຂອງແຂວງ.
ມາຮອດຕອນທ້າຍຂອງກອງປະຊຸມກໍ່ໄດຮັບຟັງຄຳໂອລົມຂອງ ສະຫາຍ ສະຫາຍ ຄຳຈັນ ແຈ່ມສະໝອນ ຄະນະປະຈຳພັກແຂວງ,ປະທານຄະນະກວດກາແຂວງ,ທ່ານຍັງໄດ້ໃຫ້ທິດຊີ້ນຳບາງບັນຫາ ກ່ຽວກັບການປະຕິບັດວຽກງານທີພວກເຮົາຕ້ອງເອົາໃຈໃສ່ຕື່ມຢ່າງໜັກແໜ້ນ,ໃຫ້ໄດ້ມີປະສິດທິຜົົນດີຂຶ້ນກ່ວາເກົ່າ.

Leave a Reply

Your email address will not be published. Required fields are marked *