ໜ່ວຍພັກພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຮັບເປັນໜ່ວຍພັກເຂັ້ມແຂງ-ຮູ້ນໍາພາຮອບດ້ານຄັ້ງທີ I ປະຈໍາປີ 2018

ໃນຕອນເຊົ້າ ຂອງວັນທີ 9 ພຶດສະພາ 2019 ໜ່ວຍພັກພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຮັບຮອງເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ I ປະຈໍາປີ 2018 ຂຶ້ນທີ່ຫ້ອງປະຊຸມຂອງພະແນກວິທະຍາສາດ ແລະເຕັກໂນໂລຊີແຂວງ, ໂດຍການເປັນປະທານຂອງ ສະຫາຍ ແຫວນເພັດ ລັດດາວົງ ກຳມະການພັກແຂວງ,ເລຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ,ໃຫ້ກຽດເຂົ້າຮ່ວມຂອງ ສະຫາຍ ຄໍາຈັນ ແຈ່ມສະໝອນ, ຄະນະປະຈໍາພັກແຂວງ,ປະທານກວດກາພັກລັດແຂວງ,ມີສໍາມະຊິກພັກ ແລະ ແຂກທີຖຶກເຊີນຈາກຂະແໜງ ການທີ່ກ່ຽວຂ້ອງ ເຂົ້າຮ່ວມ 21 ສະຫາຍ, ຍິງ 9 ສະຫາຍ
ພິທີດັ່ງກ່າວ ສະຫາຍ ສົມມະນີ ໄຊຍະວົງ, ຮອງເລຂາໜ່ວຍພັກ, ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ໄດ້ຜ່ານບົດສະຫຼຸບຕີລາຄາລວມກ່ຽວກັບການຊີ້ນໍາ-ນໍາພາ ຂອງໜ່ວຍພັກ ພະແນກວິທະຍາສາດ ແລະ ເຕັກໂນໂລຊີແຂວງ ໃນການຈັດຕັ້ງປະຕິບັດແຜນກໍ່ສ້າງໜ່ວຍພັກປອດໃສ,ເຂັ້ມແຂງ ໃນໄລຍະຜ່ານມາ ເປັນຕົ້ນ: ສ້າງໜ່ວຍພັກເຂັ້ມແຂງ 4 ດ້ານ ແລະ ດ້ວຍພັກແຂງ-ຮູ້ນຳພາຮອບດ້ານ ພ້ອມນັ້ນສະຫາຍຍັງໄດ້ຍົກໃຫ້ເຫັນບາງດ້ານອ່ອນ,ຄົງຄ້າງທີຈະຕ້ອງໄດ້ສືບຕໍ່ປັບປຸງແກ້ໄຂ ແລະ ກໍານົດທິດທາງແຜນການໃນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈໍາປີ 2019
ໃນຕອນທ້າຍກໍ່ໄດ້ມີການມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານຄັ້ງທີ I ປະຈໍາປີ 2018 ໃຫ້ກຽດມອບໂດຍ ສະຫາຍ ຄໍາຈັນ ແຈ່ມສະໝອນ ຄະນະປະຈໍາພັກແຂວງ ປະທານກວດກາ ພັກ-ລັດແຂວງ,ຮັບໂດຍ ສະຫາຍ ແຫວນເພັດ ລັດດາວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ.