ພວຕ ແຂວງສາລະວັນ ໄດ້ຈັດພິທີທຳລາຍສິນຄ້າປອມແປງລອກຮຽນແບບເຄື່ອງໝາຍການຄ້າ

ໃນຄັ້ງວັນທີ 23/04/2019 ພະເເນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຮ່ວມກັບບໍລິສັດ ທີລີກີ ແລະ ກິບບິນ ຈຳກັດ ເພື່ອຈັດພິທີທຳລາຍສິນຄ້າປອມແປງລອກຮຽນແບບເຄື່ອງໝາຍການຄ້າໂດຍໄດ້ຮັບການເຂົ້າຮ່ວມ ແລະ ຊີ້ນຳຂອງທ່ານ ແຫວນເພັດ ລັດດາວົງ ກຳມະການພັກແຂວງ, ຫົວໜ້າພະເເນກວິທະຍາສາດ ແລະ ເຕັກໂນໂລຊີ ແຂວງສາລະວັນ. ເຊິ່ງມີຄະນະນຳພະແນກ, ອົງການທຽບເທົ່າ, ຫົວໜ້າຫ້ອງການເມືອງພ້ອມດ້ວຍພະນັກງານວິຊາການເຂົ້າຮ່ວມທັງໝົດ 28 ສະຫາຍ, ຍິງ 7 ສະຫາຍ ໃນພິທີດັ່ງກ່າວຕ່າງໜ້າຂະແໜງຊັບສິນທາງປັນຍາ ຍັງໄດ້ຂຶ້ນຜ່ານບົດສະຫຼຸບກ່ຽວກັບການຈັດຕັ້ງປະຕິບັົດໃນໄລຍະຜ່ານມາ ໂດຍສະເພາະແມ່ນໄດ້ເຂົ້າຮ່ວມກັບອະນຸກຳມະການຊັບສິນທາງປັນຍາເພື່ອລົງກວດກາ, ສະກັດກັ້ນສິນຄ້າປອມແປງລອກຮຽນແບບເຄື່ອງໝາຍການຄ້າເປັນຕົ້ນແມ່ນ ປະເພດ ນ້ຳມັນເຄື່ອງ 4T jaso Ma ຝາສີແດງ, ຝາສີຟ້າ, ສີເທົາ ແລະ ແປ້ງນົວກາຈອງ ( ລາຊາຊູລົດ ) ພ້ອມດຽວກັນນັ້ນ ທ່ານ ແຫວນເພັດ ລັດດາວົງ ຍັງໄດ້ຂື້ນປະກອບຄຳເຫັນ ແລະ ກ່າວເປີດພິທີທຳລາຍສິນຄ້າລອກຮຽນແບບ ພ້ອມທັງໄດ້ເນັ້ນບາງຈຸດດັ່ງນີ້:
– ຈະຕ້ອງໄດ້ສືບ
– ຕໍ່ເຄື່ອນໄຫວລົງຕິດຕາມກວດກາ ແລະ ສະກັດກັ້ນສິນຄ້າປອມແປງລອກຮຽນແບບເຄື່ອງໝາຍການຄ້າ ຢູ່ຕາມສະຖານທີ່ຄ້າຂາຍໃນບັນດາເມືອງຂອງແຂວງໃຫ້ທົ່ວເຖິງ ແລະ ຕໍ່ເນື່ອງ.
– ເອົາໃຈໃສ່ໂຄສະນາເຜີຍແຜ່ກົດໝາຍກ່ຽວກັບວຽກງານຊັບສິນທາງປັນຍາໃຫ້ທັງພາກລັດ ແລະ ເອກະຊົນໃນທົ່ວສັງຄົມໄດ້ຮັບຮູ້ ແລະ ເຂົ້າໃຈກ່ຽວກັບວຽກງານດັ່ງກ່າວໃຫ້ຫຼາຍຂຶ້ນ

Leave a Reply

Your email address will not be published. Required fields are marked *