ເຊື່ອມຊືມມະຕິກອງປະຊຸມຄົບຄະນະບໍລິຫານງານພັກແຂວງ

ໃນຕອນເຊົ້າຂອງວັນ ພຸດ, ວັນທີ 28 ກຸມພາ 2018, ເວລາ 09:00 ໂມງ. ຢູ່ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ກໍ່ໄດ້ຈັດກອງປະຊຸມຂື້ນ ເພື່ອເປັນການເຊື່ອມຊືມມະຕິກອງປະຊຸມຄົບຄະນະບໍລິ ຫານງານພັກແຂວງ ເປີດກວ້າງ ສະໃໝທີ 7 ຄັ້ງທີ 8. ໂດຍການເປັນປະທານຂອງທ່ານ ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ແລະ ມີພະນັກງານພາຍໃນພະແນກເຂົ້າຮ່ວມທັງໝົດ 22 ສະຫາຍ, ຍິງ 5 ສະຫາຍ.
ໃນວາລະກອງປະຊຸມ ທ່ານ ສົມມະນີ ສົມມະນີ ໄຊຍະວົງ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຂື້ນຜ່ານບົດສະຫຼຸບຕີລາຄາການນໍາພາຮອບດ້ານຂອງຄະນະບໍລິຫານງານພັກແຂວງປະຈໍາປີ 2017 ແລະ ທິດທາງແຜນການປະຈໍາປີ 2018.
ຈາກນັ້ນ, ທ່ານ ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນກໍ່ໄດ້ໃຫ້ກຽດຂື້ນເຜີຍແຜ່ມະຕິກອງປະຊຸມຄົບຄະນະບໍລິ ຫານງານພັກແຂວງ ເປີດກວ້າງ ສະໃໝທີ 7 ຄັ້ງທີ 8 ເຊີ່ງເອກະສານດັ່ງກ່າວໄດ້ມີເນື້ອໃນທີ່ສໍາຄັນ ແລະ ໜັກແໜ້ນຢ່າງເລິກເຊີ່ງ. ກອງປະຊຸມດັ່ງກ່າວໄດ້ປິດລົງຢ່າງເປັນທາງການໃນເວລາ 11:30 ຂອງວັນດຽວກັນ