ພວຕ ລົງເຄື່ອນໄຫວຊຸກຍູ້ວຽກງານ ວິທະຍາສາດ ແລະ ເຕັກໂນໂລຊີ ເມືອງເລົ່າງາມ.

ໃນຕອນແລງຂອງມື້ວັນ ພຸດ, ວັນທີ 14 ກຸມພາ 2018. ຢູ່ທີ່ຫ້ອງປະຊຸມຂອງຫ້ອງການວິທະຍາສາດ ແລະ ເຕັກໂນໂລຊີ ເມືອງເລົ່າງາມ ກໍ່ໄດ້ຈັດກອງປະຊຸມຂື້ນ ເພື່ອເປັນການຄົ້ນຄວ້າ ແລະ ການປືກສາຫາລືກ່ຽວກັບວຽກງານວິທະຍາສາດ ແລະ ເຕັກໂນໂລຊີ ພາຍໃນເມືອງເລົ່າງາມ. ໂດຍເນັ້ນໜັກໃນຫຼາຍດ້ານ
ກອງປະຊຸມໄດ້ຮັບກຽດເປັນປະທານຂອງທ່ານ ແຫວນເພັດ ລັດດາວົງ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ແລະ ຕ່າງໜ້າຂະແໜງການເຂົ້າຮ່ວມທັງໝົດ 3 ທ່ານ. ພ້ອມດຽວກັນນັ້ນກໍ່ມີຫົວໜ້າຫ້ອງຫ້ອງການ, ຮອງຫ້ອງການ, ພະນັກງານວິຊາການ ຫ້ອງການວິທະຍາສາດ ແລະ ເຕັກໂນໂລຊີ ເມືອງເລົ່າງາມ ເຂົ້າຮ່ວມທັງໝົດ 9 ທ່ານ, ຍິງ 3 ທ່ານ ແລະ ບັນດາຜູ້ປະກອບການທຸລະກິດລານມັນໃນທົ່ວເມືອງເລົ່າງາມ.
ກອງປະຊຸມໄດ້ຄົ້ນຄວ້າ ແລະ ປືກສາຫາລືກັນໃນຫຼາຍໆດ້ານ ໂດຍສະເພາະແມ່ນກ່ຽວກັບການ ຊຸກຍູ້-ສົ່ງເສີມ ໃນການດໍາເນີນທຸລະກິດການເກັບຊື້-ສົ່ງອອກມັນຕົ້ນໃນທົ່ວເມືອງເລົ່າງາມ ໃຫ້ຖືກຕ້ອງຕາມແນວທາງນະໂຍບາຍ ແລະ ລະ ບຽບຫຼັກການໃນການດໍາເນີນງານ.