ຕາງໜ້າການນຳ ພະແນກພະລັງານ ແລະບໍ່ແຮ່ ແລະພະແນກການເງີນ ຂອງແຂວງສາລະວັນ ໄດ້ຕົກລົງເຫັນດີນຳເອົາ ແຜນການຟື້ນພູ ຄືນລະບົບເວບໄຊຂອງຕົນ ທີ່ມີປັນຫາບໍ່ສາມາດນຳໃຊ້ໃນເມື່ອກ່ອນ ຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນ ກັບໄປນຳສະເໜີຕໍ່ ຫົວໜ້າພະແນກຂອງຕົນ ເພື່ອຂໍການອະນຸມັດການຟື້ນພູຄືນລະບົບເວບໄຊ.

ໂດຍໃນຄັ້ງວັນທີ 22 ພຶດສະພາ 2018, ທີ່ຫ້ອງປະຊຸມຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນ ໄດ້ຈັດການປືກສາຫາກັນ ລະຫວ່າງ ພະແນກວິທະຍາສາດ ແລະເຕັກໂນໂລຊີ ນຳໂດຍ ທ່ານ ແຫວນເພັດ ລັດດາວົງ ຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ ແລະຕາງໜ້າພະແນກພະລັງງານ ແລະບໍ່ແຮ່ແຂວງສາລະວັນ ທ່ານ ທົງໄຊ ວຸດທິສະຫວັດ ຮອງຫົວໜ້າພະແນກພະລັງງານ-ບໍ່ແຮ່ແຂວງສາລະວັນ, ຕ່າງໜ້າພະແນກການເງີນແຂວງແຂວງສະລະວັນ ໂດຍທ່ານ ສອນເພັດ ທຽມສະຫວັນ ຫົວໜ້າໜ້າຫ້ອງການພະແນກການເງີນແຂວງ.

ໂດຍຈຸດປະສົງຂອງການຮ່ວມກັນປືກສາຫາລືຄັ້ງນີ້ ເພື່ອຄົ້ນຄວ້າ ພິຈາລະນາ ກ່ຽວກັບແຜນການຟື້ນພູ ຄືນລະບົບເວບໄຊຂອງ 2 ພະແນກ, ພະແນກພະລັງານ ແລະບໍ່ແຮ່ ແລະພະແນກການເງີນ ຂອງແຂວງສາລະວັນ ໃຫ້ກັບມາໃຊ້ໄດ້ຢ່າງປົກກະຕິ. ກ່ອນໜ້ານີ້ ທັງ 2 ພະແນກທີ່ກ່າວມາ ມີລະບົບເວບໄຊນຳສະເໜີຂໍ້ມູນຂ່າວສານຢູ່ແລ້ວ ແຕ່ເນື່ອງຈາກມີການປັບປຸງທາງດ້ານລະບົບເຕັກນິກ ແລະເຕັກໂນໂລຊີໃໝ່ ຈື່ງເຮັດໃຫ້ເວບໄຊ ຢຸດການອອນລາຍ ແລະການປືກສາຫາລືຄັ້ງນີ້ ໄດ້ສຳເລັດໃນຕອນເຊົ້າຂອງວັນດຽວກັນ.

ຂ່າວ ແລະພາບ ໂດຍ ສັດຕະຍາ ຊົມຈັນ

[envira-gallery id=”2816″]