ໃນຕອນແລງຂອງວັນທີ 24 ກໍລະກົດ 2018, ທີ່ຫ້ອງປະຊຸມຂອງພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ,  ໜ່ວຍພັກພະແນກວິທະຍາສາດ ແລະເຕັກໂນໂລຊີແຂວງສາລະວັນ ໄດ້ຈັດພິທີຮັບສະມາຊິກພັກສົມບູນໃໝ່ 2 ສະຫາຍ ຄື ສະຫາຍ ຂຽວສົມພອນ ບົວລາວັນ ແລະສະຫາຍ ໄພທູນ ສີນັນທະລາດ ໂດຍພາຍໃຕ້ການເປັນປະທານຂອງ ສະຫາຍ ສົມມະນີ ໄຊຍະວົງ ຮອງເລຂາໜ່ວພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ, ເຊິ່ງມີ ຕາງໜ້າຄະນະກວດກາພັກ-ລັດແຂວງ, ຄະນະຈັດຕັ້ງແຂວງ ແລະບັນດາ ຫາຍສະມາຊິກພັກສົມບູນ ພາຍໃນໜ່ວຍພັກຂອງພະແນກ ເຂົ້າຮ່ວມ.

ເພື່ອເຮັດໃຫ້ພິທີດັ່ງກ່າວນີ້ມີຄວາມໜັກແໜ້ນ, ສະຫາຍ ສົມມະນີ ໄຊຍະວົງ ຮອງເລຂາໜ່ວພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ ໄດ້ໂອລົມ ໃຫ້ທິດເຍືອງທາງ ແກ່ສະມາຊິກພັກສົມບູນໃໝ່ 2 ສະຫາຍ ໃຫ້ກຳແໜ້ນແນວທາງ ນະໂຍບາຍ ກົດລະບຽບ ໜ້າທີ່ຂອງສະມາຊິກພັກ ປະຊາຊົນປະຕິວັດລາວ.