ໂດຍປະຕິບັດຕາມມະຕິຕົກລົງຂອງຄະນະປະຈຳພັກແຂວງໆແຂວງສາລະວັນ ສະບັບເລກທີ 87/ຄຈພຂ.ສວ, ລົງວັນທີ 14 ພຶດສະພາ 2018 ວ່າດ້ວຍ: ການອະນຸມັດເປີດກອງປະຊຸມເຄີ່ອງສະໄໝຂອງໜ່ວຍພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ, ໃນຕອນເຊົ້າຂອງວັນທີ 13 ມິຖຸນາ 2018, ທີ່ຫ້ອງປະຊຸມຂອງພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ, ໜ່ວຍພັກ ພະແນກວິທະຍາສາດ ແລະເຕັກໂນໂລຊີແຂວງສາລະວັນ ໄດ້ເປີດກອງປະຊຸມສະຫຼຸບຕີລາຄາການນຳພາຮອບດ້ານ ເຄີ່ງສະໃໝ ຄັ້ງທີ I ຂື້ນຢ່າງເປັນທາງການ ພາຍໃຕ້ການເປັນປະທານຂອງ ສະຫາຍ ແຫວນເພັດ ລັດດາວົງ ກຳມະການພັກແຂວງ ເລຂາໜ່ວຍພັກ ຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ ເຊິ່ງມີ ພະນັກງານການນຳຕາງໜ້າໃຫ້ຄະນະຈັດຕັ້ງ, ຄະນະກວດກາພັກ-ລັດແຂວງ, ຄະນະໂຄສະນາອົບຮົມແຂວງ ແລະ ສະມາຊິກພັກ, ພະນັກງານລັດຖະກອນ ພະແນກວິທະຍາສາດ ແລະເຕັກໂນໂລຊີແຂວງສາລະວັນ ເຂົ້າຮ່ວມ, ພິເສດ ກອງປະຊຸມຍັງໄດ້ຮັບກຽດຟັງການໂອລົມ ແລະໃຫ້ທິດເຍືອງທາງ ຈາກທ່ານວິຊຽນ ນະວິກຸນ ຄະນະປະຈຳພັກແຂວງ ຮອງເຈົ້າແຂວງໆສາລະວັນ ຜູ່ຊີ້ນຳວຽກງານເສດຖະກິດ.

ໂດຍຈຸດປະສົງຂອງກອງປະຊຸມຄັ້ງນີ້ ເພື່ອກວດຄືນກອງປະຊຸມບັ້ນປົວແປງພັກ ໂດຍຕິດພັນກັບ ການສະຫຼຸບຕີລາຄາ ການຈັດຕັ້ງປະຕິບັດ ການເຄື່ອນໄຫວງານຊີ້ນຳ ນຳພາ ຮອບດ້ານ ໃນໄລຍະຜ່ານມາ ນັບທັງດ້ານຕັ້ງໜ້າ, ດ້ານຫຍໍ້ທໍ້ ແລະວາງທິດທາງແຜນການການເຄື່ອນໄຫວວຽກງານຢ່າງຮອບດ້ານ ໃຫ້ໄດ້ຮັບໝາກຜົນສູງຂື້ນກວ່າເກົ່າ ແລະນອກຈາກນັ້ນ, ກອງປະຊຸມໄດ້ເຜີຍແຜ່ ເຊື່ອມຊືມ 3 ນິຕິກຳສຳຄັນ ປະກອບມີ: ຄຳແນະນຳເລກທີ 292/ຄຈສພ.ສວ, ລົງວັນທີ 26 ເມສາ 2018 ກ່ຽວກັບການຈັດຕັ້ງມະຕິຂອງກົມການເມືອງສູນກາງພັກ ວ່າດ້ວຍ ມາດຕະຖານຂອງພະນັກງານນຳພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະວຽກງານສ້າງແຜນກກຳນົດພະນັກງານນຳພາ-ຄຸ້ມຄອງ; ຄຳສັງເລກທີ 01/ກມສພ, 03 ມັງກອນ 2018 ວ່າດ້ວຍ ການເພີ່ມທະວີກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ; ຄຳແນະນຳ ເລກທີ 291/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນການພັກ ວ່າດ້ວຍ ການເພີ່ມທະວີກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ. ກອງປະຊຸມໄດ້ປິດລົງໃນຕອນເຊົ້າວັນທີ 14 ມິຖຸນາ 2018 ດ້ວຍຜົນສຳເລັດອັນຈົບງາມ.

ຂ່າວ ແລະພາບ ໂດຍ: ສັດຕະຍາ ຊົມຈັນ