ທ່ານ ແຫວນເພັດ ລັດດາວົງ ກໍາມະການພັກແຂວງ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ເຂົ້າຮ່ວມພິທີສະເຫລີມສະຫລອງປີທ່ອງທ່ຽວລາວ 2018 ຢູ່ແຂວງສາລະວັນ ເຊີ່ງໄດ້ຈັດຂື້ນຢ່າງເປັນທາງການໃນແລງວັນທີ 2/03/2018, ຢູ່ສວນສາທາລະນະອົງແກ້ວ ໂດຍການເປັນກຽດເຂົ້າຮ່ວມຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ທັງເປັນປະທານຊີ້ນຳລະດັບຊາດຈັດງານປີທ່ອງທ່ຽວລາວ 2018, ທ່ານ ສີສຸວັນ ວົງຈອມສີ, ເຈົ້າແຂວງໆສາລະວັນ ພ້ອມດ້ວຍບັນດາເຈົ້າແຂວງໃກ້ຄຽງຄື: ຈຳປາສັກ, ອັດຕະປື ແລະເຊກອງ, ການນຳພັກ-ລັດ ແລະແຂກພາຍໃນ ແລະ ຕ່າງປະເທດ.ທ່ານ ແຫວນເພັດ ລັດດາວົງ ກໍາມະການພັກແຂວງ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ເຂົ້າຮ່ວມພິທີສະເຫລີມສະຫລອງປີທ່ອງທ່ຽວລາວ 2018 ຢູ່ແຂວງສາລະວັນ ເຊີ່ງໄດ້ຈັດຂື້ນຢ່າງເປັນທາງການໃນແລງວັນທີ 2/03/2018, ຢູ່ສວນສາທາລະນະອົງແກ້ວ ໂດຍການເປັນກຽດເຂົ້າຮ່ວມຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ທັງເປັນປະທານຊີ້ນຳລະດັບຊາດຈັດງານປີທ່ອງທ່ຽວລາວ 2018, ທ່ານ ສີສຸວັນ ວົງຈອມສີ, ເຈົ້າແຂວງໆສາລະວັນ ພ້ອມດ້ວຍບັນດາເຈົ້າແຂວງໃກ້ຄຽງຄື: ຈຳປາສັກ, ອັດຕະປື ແລະເຊກອງ, ການນຳພັກ-ລັດ ແລະແຂກພາຍໃນ ແລະ ຕ່າງປະເທດ. ໃນງານສະເຫລີມສະຫລອງປີທ່ອງທ່ຽວຄັ້ງນີ້ທ່ານ ພູທົງ ຄໍາມະນີວົງ, ຮອງເຈົ້າແຂວງສາລະວັນປະທານຄະນະຮັບຜິດຊອບຊີ້ນຳຂັ້ນແຂວງເພື່ອຈັດງານປີທ່ອງທ່ຽວລາວ 2018 ຍົກໃຫ້ເຫັນວ່າ: ການສະເຫລີມສະຫລອງປີທ່ອງທ່ຽວຢູ່ແຂວງສາລະວັນເປັນເຫດການທີ່ມີຄວາມໝາຍຄວາມສຳຄັນ ຕິດພັນກັບການເປີດຕະຫລາດນັດ ແລະ ງານສະເຫລີມສະ ຫລອງຜົນສຳເລັດການປະຕິສັງຂອນຫໍໄຕປີດົກ ແລະ ງານສົມໂພດຫໍໄຕປີດົກ. ສຳລັບ ວຽກງານທ່ອງທ່ຽວ ຖືເປັນຂະແໜງເສດຖະກິດໜຶ່ງທີ່ມີການຂະຫຍາຍຕົວຢ່າງວ່ອງໄວ ແລະກວ້າງຂວາງ, ໃນຊຸມປີຜ່ານມາແຂວງສາລະວັນໄດ້ຖືເອົາການທ່ອງ ທ່ຽວເປັນຂະແໜງ ບຸລິມະສິດໜຶ່ງ ເພື່ອຊຸກຍູ້ການພັດທະນາເສດຖະກິດ-ສັງຄົມ, ເປັນຂະແໜງການໜຶ່ງ ເຮັດໃຫ້ມີການສະສົມເງິນຕາພາຍໃນປະເທດເປັນຢ່າງດີ, ສ້າງວຽກເຮັດງານທໍາໃຫ້ແກ່ປະຊາຊົນ ໃນຂົງເຂດບໍລິການ ແລະການຜະລິດ ເປັນຕົ້ນການຜະລິດກະສິກຳ ແລະຫັດຖະກຳ ໂດຍຖືເປັນການສົ່ງອອກກັບທີ່ ແລະກະຈາຍລາຍໄດ້ໄປສູ່ທ້ອງ ຖິ່ນກໍຄືເຂດຊົນນະບົດຫ່າງໄກສອກຫຼີກ, ພ້ອມກັນນັ້ນ ແຂວງສາລະວັນຍັງຖືເອົາການພັດ ທະນາ ແລະ ສົ່ງເສີມການທ່ອງທ່ຽວເປັນການເປີດກວ້າງການພົວພັນຮ່ວມມືກັບພາຍນອກ. ໃນຊຸມປີຜ່ານມາ ລັດຖະບານລາວ ກໍຄືແຂວງສາລະວັນ ໄດ້ຈັດງານປີທ່ອງທ່ຽວໃນຜ່ານມາແລ້ວ 2 ຄັ້ງ ຄື: ຄັ້ງທີ ໜຶ່ງ ໃນປີ 1999-2000 ແລະ ຄັ້ງທີສອງ ໃນປີ 2011-2012 ຜ່ານຈາກການຈັດປີທ່ອງທ່ຽວໃນຜ່ານມາ ໄດ້ເຮັດໃຫ້ຈຳນວນນັກທ່ອງທ່ຽວມີຈຳນວນເພີ້ມຂຶ້ນໃນແຕ່ລະປີ ໂດຍສະເພາະຢູ່ແຂວງສາລະວັນ ໃນປີ 2000 ມີນັກທ່ອງທ່ຽວເຂົ້າມາສາລະວັນພຽງແຕ່ 1.996 ຄົນ, ລາຍຮັບຈາກການທ່ອງທ່ຽວ 71.860 ໂດລາ, ແຕ່ພາຍຫລັງທີ່ຈັດປີທ່ອງທ່ຽວ ຈຳນວນນັກທ່ອງທ່ຽວເພີ້ມຂຶ້ນ ຕົວເລກນັກທ່ອງທ່ຽວໃນປີ 2017 ມີຈຳນວນ 93.000 ຄົນ, ສາມາດສ້າງລາຍຮັບຈາກການທ່ອງທ່ຽວ ໂດຍທາງກົງ ແລະ ທາງອ້ອມ ຈຳນວນ 14,0 ລ້ານໂດລາ, ເມື່ອເຫັນໄດ້ທ່າແຮງດັ່ງກ່າວ ໃນປີ2018 ຈຶ່ງໄດ້ສືບຕໍ່ຈັດປີທ່ອງທ່ຽວອີກເປັນເທື່ອທີ3, ຄາດຄະເນຈະດຶງດູດນັກທ່ອງທ່ຽວເຂົ້າມາແຂວງສາລະວັນ ບໍ່ຫລຸດ 100.000ຄົນ, ສ້າງລາຍຮັບໂດຍທາງກົງ ແລະ ທາງອ້ອມ ປະມານ 15,0 ລ້ານໂດລາ. ການຈັດງານສະເຫລີມສະຫລອງປີທ່ອງທ່ຽວຢູ່ແຂວງສາລະວັນຕິດພັນກັບການສະເຫລີມສະຫລອງຫໍໄຕປີດົກໃນຄັ້ງນີ້ ຈັດຂຶ້ນລະຫວ່າງວັນທີ 2-8 ເມສາ ນີ້ ໂດຍມີຫລາຍກິດຈະກຳ ເຊັ່ນ: ການຈັດງານວາງສະແດງຕະຫລາດນັດການຊື້-ຂາຍສິນຄ້າຂອງຜູ້ປະ ກອບການຈາກພາຍໃນ ແລະ ຕ່າງປະເທດປະມານ 140 ຮ້ານ, ການວາງສະແດງສິນຄ້າໜື່ງເມືອງໜື່ງຜະລິດຕະພັນ, ສິນຄ້າກະສິກຳ ແລະ ຫັດຖະກຳຈາກຕົວແບບຕ່າງໆ ແລະ ວາງສະແດງຜະລິດຕະພັນທ່ອງທ່ຽວຈາກພາຍໃນແຂວງແລະຕ່າງແຂວງຈຳນວນ 26 ຮ້ານ, ຕະຫລອດ ໄລຍະການຈັດງານຈະມີການສະແດງສິລະປະວັນນະຄະດີ, ການປະກວດນາງສາວອາພອນສາລະວັນ, ການປະກວດນັກຮ້ອງສຽງດີ, ປະກວດໝໍລຳສຽງມ່ວນ, ຊົມການສະແດງຄອນເສີດ, ກາຍະສິນ, ຕີມວຍ, ການຈັດພົບປະຜູ້ປະກອບການທ່ອງທ່ຽວ, ການຈັບຄູ່ທຸລະກິດການທ່ອງທ່ຽວ, ການນຳທ່ຽວສະຖານທີ່ທ່ອງທ່ຽວທີ່ໂດດເດັ່ນ, ການແຮ່ພະໄຕປີດົກໜັງສືຜູກໃບລານ, ການສົມໂພດຫໍໄຕປີດົກ, ການຕັກບາດ, ການວຽນທຽນ ແລະ ພິທີສຳຄັນທາງສາສະໜາອື່ນໆ.