ວັນທີ 29 ມີນາ 2018, ຢູ່ທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ກໍ່ໄດ້ຈັດກອງປະຊຸມຂື້ນ ເພື່ອເປັນການປະຖະກະຖາວັນສ້າງຕັ້ງພັກປະຊາຊົນປະຕິວັດລາວຄົບຮອບ 73 ປີ. ໂດຍການເປັນປະທານຂອງທ່ານ ແຫວນເພັດ ລັດດາວົງ ກໍາມະການພັກແຂວງ ເລຂາໜ່ວຍພັກ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ແລະ ມີສາມະຊິກພັກ, ບັນດາ 3 ອົງການຈັດຕັ້ງມະຫາຊົນ ແລະ ພະນັກງານ-ລັດຖະກອນ ພາຍໃນພະແນກເຂົ້າຮ່ວມທັງ ໝົດ 22 ສະຫາຍ, ຍິງ 5 ສະຫາຍ.
ທ່ານ ສຸກສະຫວັດ ພູມີໄລ ຄະນະພັຫພະແນກ, ຫົວໜ້າຫ້ອງການພະແນກ ກໍ່ໄດ້ຂື້ນເລົ່າຄືນປະຫວັດຄວາມເປັນມາວັນແມ່ຍິງສາກົນ, ເອກະສານກ່ຽວກັບວັນເສຍອົງຄະ ແລະ ເສຍຊີວິດເພື່ອປະເທດຊາດ.
ໃນວາລະກອງປະຊຸມ ທ່ານ ສົມມະນີ ສົມມະນີ ໄຊຍະວົງ ຮອງເລຂາໜ່ວຍພັກ, ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຂື້ນຜ່ານເອກະສານບົດສະຫຼຸບ ຕີລາຄາວຽກງານກວດກາທົ່ວແຂວງສາລະວັນ.
ຈາກນັ້ນ, ທ່ານ ແຫວນເພັດ ລັດດາວົງ ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນກໍ່ໄດ້ໃຫ້ກຽດຂື້ນເຜີຍແຜ່ເອກະສານວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 73 ປີ ເຊີ່ງເອກະ ສານດັ່ງກ່າວໄດ້ມີເນື້ອໃນທີ່ສໍາຄັນ ແລະ ໜັກແໜ້ນຢ່າງເລິກເຊີ່ງ. ກອງປະຊຸມດັ່ງກ່າວໄດ້ປິດລົງຢ່າງເປັນທາງການໃນເວລາ 11:30 ຂອງວັນດຽວກັນ