ວັນທີ 27 ມີນາ 2018 ທ່ານ ແຫວນເພັດ ລັດດາວົງ ກໍາມະການພັກແຂວງ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ເຂົ້າຮ່ວມງານສະເຫຼີມສະຫຼອງປີທ່ອງທ່ຽວລາວ 2018

ຕິດພັນກັບງານບຸນປະເພນີ ວັດທະ ນະທໍາບັນດາເຜົ່າເມືອງສະໝ້ວຍ. ຢູ່ທີ່ເມືອງສະໝ້ວຍ.
ເມືອງສະໝ້ວຍ ເປັນເມືອງໜື່ງຢູ່ໃນ 8 ຕົວເມືອງຂອງແຂວງສາລະວັນ ເຊີ່ງມີພົນລະເມືອງທັງໝົດ 17,000 ກວ່າຄົນ. ປະກອບມີຫຼາຍຊົນເຜົ່າ, ໃນນັ້ນ: ເຜົ່າບຣູປາໂກະ (ກາໄນ, ກາໂດ) ເປັນຊົນເຜົ່າດັ້ງເດີມ ແລະ ກວມເອົາອັດຕາສ່ວນຫຼາຍ, ປະຊາຊົນບັນດາເຜົ່າໄດ້ດໍາລົງຊີວິດຫຼາຍກົກເຄົ້າເຫງົ້າຕະກຸນ ຫຼື ເປັນຍາດພີ່ນ້ອງທີ່ຢູ່ຮ່ວມກັນໂດຍສັນຕິໃນເຮືອນຫຼັງຍາວທີ່ມີການເຄົາລົບນັບຖືເຈົ້າກົກເຈົ້າເລົ່າ
ງານສະເຫຼີມສະຫຼອງປີທ່ອງທ່ຽວລາວ 2018 ຕິດພັນກັບງານບຸນປະເພນີ ວັດທະນະທໍາບັນດາເຜົ່າເມືອງສະ ໝ້ວຍໃນຄັ້ງນີ້ໄດ້ຈັດຂື້ນຢ່າງເປັນຂະບວນໃນທາມກາງມ່ວນຊື່ນຂອງປະຊາດຊົນບັນດາເຜົ່າ ໂດຍມີການແຂ່ງຂັນກິລາພື້ນເມືອງຫຼາຍປະເພດເປັນຕົ້ນແມ່ນ: ການແຂ່ງຂັ້ນພາຍເຮືອ, ການສະແດງສິລະປະ-ວັດທະນະທໍາບັນດາເຜົ່າຕ່າງໆ, ບົດຟ້ອນສະແດງ ເຊີນທ່ຽວເມືອງສະໝ້ວຍ, ບົດຟ້ອນການສະແດງ ຈັ່ງຫວະບົດຟ້ອນມ່ວນຊື່ນບຸນອະຣຽວ (ງານບຸນວັດທະນະທໍາຂອງຊົນເຜົ່າສະໝ້ວຍ) ແລະ ບົດຟ້ອນອື່ນໆອີກຢ່າງຫຼວງຫຼາຍທີ່ສະແດງໃຫ້ເຫັນເຖິງຄວາມເປັນເອກະລັກອັນຈົບງາມ ຕາມວັດທະນະທໍາຂອງປະຊາຊົນບັນດາເຜົ່າເມືອງສະໝ້ວຍ.