ທ່ານ ແຫວນເພັດ ລັດດາວົງ ກຳມະການພັກແຂວງ ຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ ເຂົ້າຮ່ວມງານປູກຕົ້ນໄມ້ ແລະປ່ອຍປາ ເນື່ອງໃນວັນປູກຕົ້ນໄມ້ແຫ່ງຊາດ, ທີ່ແຫຼ່ງຖ່ອງທ່ຽວຖ້ຳພູຜາສຸກ ໃນຕອນເຊົ້າວັນທີ 24 ພຶດສະພາ 2018 ພາຍໃຕ້ການເປັນປະທານ ຂອງທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ ແລະນອກຈາກນັ້ນ, ຍັງມີບັນດາທ່ານ ການນຳຂັ້ນແຂວງ, ຂັ້ນພະແນກ, ຂັ້ນເມືອງ,ຂັ້ນຂະແໜງ ຕະຫຼອດຮອດວິຊາການຈາກບັນດາພະແນກການ ອົງການທຽບເທົ່າ ອ້ອມຂ້າງແຂວງສາລະວັນ ເຂົ້າຮ່ວມຢ່າງຟົດຟື້ນ.

ເຊິ່ງແຫຼ່ງຖ່ອງທ່ຽວຖ້ຳພູຜາສຸກ ຂອງແຂວງສາລະວັນ ແມ່ນເປັນສະຖານທີ່ທ່ອງທ່ຽວທາງທຳມະຊາດທີ່ສວຍງາມ ແລະໄດ້ຮັບການເອົາໃຈໃສ່ພັດທະນາ ຈາກຄະນະນຳຂອງແຂວງສາລະວັນ ເລີ່ມແຕ່ປີ 2017 ເປັນຕົ້ນມາ.
[envira-gallery id=”2823″]