ເພື່ອເປັນການເຮັດໃຫ້ພະນັກງານລັດຖະກອນ ທະຫານ ຕຳຫຼວດ ເຊື່ອມຊືມ ແລະສາມາດເຂົ້າໃຈກຳ ແໜ້ນແນວທາງນະໂຍບາຍ ແລະຍົກສູງເຊີດຊູນ້ຳໃຈຮັກຊາດ, ມີສະຕິຕໍ່ກົນອຸບາຍຂອງສັດຕູ ແລະເຫັນໄດ້ເຖີງຄວາມສຳຄັນຂອງວຽກງານວິທະຍາສາດ, ພະແນກວທະຍາສາດ ແລະເຕັກໂນໂລຊີແຂວງສາລະວັນ ຈື່ງໄດ້ສົມທົບຮ່ວມກັບຄະນະໂຄສະນາອົບຮົມແຂວງສາລະວັນ ຈັດພິທີ ປາຖະກະຖາ ວັນປະກາດເອກະລາດ ແລະວັນວິທະຍາສາດແຫ່ງຊາດ 12 ຕຸລາ ຄົບຮອບ 73 ປີ (12 ຕຸລາ 1945 -12 ຕຸລາ 2018) ແລະວັນສ້າງຕັ້ງເມືອວຽງໄຊ ວິລະຊົນຄົບຮອບ 50 ປີ (30/11/1968-30/11/2018) ຂື້ນທີ່ຫ້ອງປະຊຸມໃຫຍ່ສະໂມສອນແຂວງສາລະວັນ, ໃນຕອນເຊົ້າວັນທີ 23 ຕຸລາ 2018, ພາຍໃຕ້ການເປັນປະທານ ແລະປາຖະກະຖາ ໂດຍທ່ານ ສີເຮັ່ງ ຫອມສົມບັດ ປະທານຄະນະໂຄສະນາອົບຮົມ ກຳມະການປະຈຳພັກແຂວງສາລະວັນ ແລະມີພະນັກງານການນຳຂັ້ນແຂວງ, ພະນັກລັດຖະກອນ, ທະຫານ, ຕຳຫຼວດ ພາຍໃນແຂວງເຂົ້າຮ່ວມທັງໝົດ 270 ຄົນ ຍິງ 115 ຄົນ ແລະໃນນັ້ນມີສະມາຊິກພັກຈຳນວນ 145 ສະຫາຍ ຍີງ 65 ສະຫາຍ.

ຜ່ານເນື້ອໃນກາປາຖະກະຖາ ຜູ່ເຂົ້າຮ່ວມທັງໝົດ ໄດ້ເຊື່ອມຊືມ ບັນດາເອກະສານໃນວັນສຳຄັນຂອງຊາດ ປະກອບມີ: ຄວາມເປັນມາວຽກງານວິທະຍາສາດຂອງລາວ, ວັນປະກາດເອກະລາດ 12 ຕຸລາ 1945, ວັນມະຫາປະຕິວັດເດືອນຕຸລາລັດເຊຍ 7.11.1917 ແລະເມືອງວຽງໄຊ -ຖານທີ່ໝັ້ນຂອງການປະຕິວັດລາວ ແລະພິທີດັ່ງກ່າວນີ້ ໄດ້ປິດລົງໃນຕອນເຊົ້າຂອງວັນທີດຽວກັນ.

ຂ່າວ ແລະພາບ ໂດຍ: ສັດຕະຍາ ຊົມຈັນ