ໃນລະຫວ່າງວັນທີ 08-12 ກຸມພາ 2016, ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ, ໄດ້ຈັດຝືກອົບຮົມແລກປ່ຽນ ແລະ ຖອດຖອນບົດຮຽນດ້ານວິທະຍາສາດ ແລະ ເຕັກໂນໂລຊີໂດຍສະເພາະວຽກງານເຕັກໂນໂລຊີ ຂໍ້ມູນຂ່າວສານລະຫວ່າງ ພວຕ ແຂວງສາລະວັນ ກັບ ພວຕ ແຂວງອັດຕະປື, ຫ້ອງວ່າການປົກຄອງແຂວງ, ພະແນກການເງິນ ແລະ ຫ້ອງວ່າການປົກຄອງເມືອງສາລະວັນໂດຍແມ່ນການບໍລິຫານ-ການຄຸ້ມຄອງເວັບໄຊ,

ໂດຍຮັບກຽດເປັນປະທານຂອງທ່ານ ບຸນທຽນ ວົງພູທອນ, ກໍາມະການພັກແຂວງ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງອັດຕະປື ແລະ ທ່ານ ສີສຸດອນອັງຄະໄລ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ, ເຊີ່ງມີນັກສໍາມະນາກອນເຂົ້າຮ່ວມທັງໜົດ 15 ທ່ານ, ຍິງ 3 ທ່ານ. ໃນນັ້ນແມ່ນໄດ້ເນັ້ນໜັກບາງຫົວຂໍ້ທີ່ສໍາຄັນດັ່ງນີ້:
1) ການຕິດຕັ້ງລະບົບຄວບຄຸມ Apserv server 2.5
2) ການຕິດຕັ້ງ Project Website Joomla CMS 2.5 ພາຍໃນເຄື່ອງຄອມພິວເຕີ
3) ການຕັ້ງຄ່າລະບົບການເຮັດວຽກໃຫ້ກັບ Joomla CMS 2.5
4) ການສ້າງ Folder ໃຫ້ກັບ website ເພື່ອຈັດເກັບ Article & Categories
5) ການສ້າງ Categories ໃຫ້ກັບ website
6) ການ upload ແລະ ການບໍລິຫານ-ຈັດການກ່ຽວກັບຮູບພາບ, Article & Categories
7) ການກະກຽມ ແລະ ການຕົກແຕ່ງຮູບພາບ ເພື່ອລົງຂ່າວ
8) ເຕັກນິກໃນການຂຽນ ແລະ ການລົງຂ່າວໃຫ້ກັບ website ທີ່ຢູ່ໃນຮູບແບບຂໍ້ຄວາມ ແລະ ຮູບພາບ
9) ການຄຸ້ມຄອງກ່ຽວກັບ Top Menu & Left Menu
10) ການສ້າງ Menu ໃຫ້ກັບ website
11) ການສ້າງ Video Link ຂ່າວດ້ວຍລະບົບ Iframe ມາສະແດງໃນໜ້າ website
12) ເຕັກນິກໃນການນໍາໃຊ້ ແລະ ກໍານົດສິດທິໃຫ້ກັບ User ເພື່ອຄວາມປອດໄພຂອງ Website

ຜ່ານການຝຶກອົບຮົມການບໍລິຫານ-ການຄຸ້ມຄອງ ເວັບໄຊ ດ້ວຍລະບົບ Joomla CMS 2.5 ໃນໄລຍະ 5 ວັນທີ່ຜ່ານມາກໍ່ໄດ້ຮັບການເອົາໃຈໃສ່ຊີ້ນຳ-ນໍາພາຢ່າງໃກ້ສິດຕິດແທດ ຈາກຄະນະພັກ, ຄະນະພະແນກ ກໍ່ຄືຄະນະນໍາພະແນກວິ ທະຍາສາດ ແລະ ເຕັກໂນໂລຊີ ແຂວງສາລະວັນ ແລະ ແຂວງອັດຕະປື ເປັນຢ່າງດີ.

– ນັກສຳມະນາກອນມີຄວາມກະຕືລືລົ້ນ ແລະ ຫ້າວຫັນ, ມີຄວາມຕັ້ງໃຈ, ເອົາໃຈໃສ່ສູງ ແລະ ຕັດສິນໃຈຢ່າງເດັດຂາດ ໃນການແລກປ່ຽນ, ເກັບກຳບົດຮຽນໄດ້ເປັນຢ່າງດີພໍສົມຄວນ.