ທ່ານ ແຫວນພັດ ລັດດາວົງ ກໍາມະການພັກແຂວງ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ພ້ອມດ້ວຍຫົວໜ້າຫ້ອງການພະແນກ ໄດ້ເຂົ້າຮ່ວມ ກອງປະຊຸມພາຍໃຕ້ ຫົວຂໍ້ “ຄົ້ນຄວ້າ, ສົນທະນາແລກ ປ່ຽນບົດ
ຮຽມກ່ຽວກັບການກຳນົດຕ່ຳແໜ່ງງານ, ປຶກສາຫາລືກ່ຽວກັບພາລະບົດບາດຂອງ ຂະແໜງວິທະຍາສາດ ແລະ ເຕັກໂນໂລຊີ”  ລະຫວ່າງ 24-27 ກໍລະກົດ 2018 ທີ່ຫ້ອງປະຊຸມ ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີ ພາຍໃຕ້ການເປັນປະທານຂອງ ທ່ານ ບຸນຕີ ທະມິດ, ຮອງລັດຖະມົນຕີ ກະຊວງວິທະຍາ ສາດ ແລະ ເຕັກໂນໂລຊີ.

ເຂົ້າຮ່ວມກອງປະຊຸມຄັ້ງນີ້ ມີທ່ານ ປອ. ຈັນແສງ ພິມມະວົ, ຮອງລັດທະມົນຕີ ກວຕ, ບັນດາຫົວໜ້າຫ້ອງການ, ກົມ, ສະຖາບັນ, ບັນດາຫົວໜ້າພະແນກ, ຮອງພະແນກວິທະຍາສາດ ແລະ ເຕັກໂນໂລຊີ ແຂວງຕ່າງໆໃນທົ່ວປະເທດ ແລະ ຄະນະພະແນກ ພາຍໃນ ກວຕ.
ກອງປະຊຸມຄັ້ງນີ້ ແມ່ນເພື່ອຍົກລະດັບຄວາມຮູ້ຄວາມສາມາດ ກ່ຽວກັບວິທີການຂຽນຕຳແໜ່ງງານໃຫ້ ຖືກຕ້ອງສອດຄ່ອງກັບ ສະພາບການເຄື່ອນໄຫວວຽກງານຕົວຈິງ ຂອງວຽກງານທີ່ຕົນຮັບຜິດຊອບໃຫ້ແກ່ພະນັກ ງານຄຸ້ມຄອງກົງຈັກການຈັດຕັ້ງ, ເປັນບ່ອນອີງໃນການຊັບຊ້ອນພະນັກງານເຂົ້າຮັບຜິດຊອບວຽກງານຕ່າງໆ ທັງ ເປັນການປະຕິບັດກົດໝາຍ ພະນັກງານ-ລັດຖະກອນ ໃຫ້ມີປະສິດທິພາບ ຕາມຄຳສັ່ງຂອງນາຍົກລັດຖະມົນຕີ ວ່າດ້ວຍ ການປັບປຸງຄຸນນະພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່, ສະບັບເລກທີ 03/ນຍ, ລົງວັນທີ 9 ກຸມພາ 2018 ແລະ ແຈ້ງການຂອງກະຊວງພາຍໃນ ວ່າດ້ວຍການປັບປຸງຄຸນນະພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່, ສະບັບເລກທີ 56/ພນ, ລົງວັນ ທີ 4 ກໍລະກົດ 2018.
ນອກຈາກນັ້ນ, ຜູ້ເຂົ້າຮ່ວມກອງປະຊຸມ ຍັງໄດ້ຮັບຟັງການບັນຍາຍໃນຫົວຂໍ້ຕ່າງໆເຊັ່ນ: “ການກຳນົດຕຳແໜ່ງງານ, ພາລະບົດບາດຂອງພະແນກວິທະຍາສາດ ແລະ ເຕັກໂນໂລຊີແຂງ ແລະ ການແບ່ງຂັ້ນຄຸ້ມຄອງ ລະຫວ່າງ ສູນກາງ ແລະ ທ້ອງຖິ່ນ ແລະ ການຮຽນຮູ້ຄວາມເປັນຜູ້ນໍາ.