ໃນຕອນເຊົ້າຂອງວັນທີ 03 ກຸມພາ 2017 ໜ່ວຍພັກຮາກຖານ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ກໍ່ໄດ້ຈັດກອງປະຊຸມຂື້ນ ເພື່ອເປັນການຮັບສາມະຊິກພັກສໍາຮອງເຂົ້າເປັນສາມະຊິກພັກສົມບູນ ແລະ ຕົກລົງຮັບເອົາມາຫາຊົນກ້າວໜ້າເຂົ້າສາມະຊິກພັກສໍາຮອງ ໃນນັ້ນລວມມີທັງໝົດ 02 ສະຫາຍ. ກອງປະຊຸມໄດ້ຮັບກຽດເປັນປະທານໂດຍທ່ານ ສີສຸດອນ ອັງຄະໄລ ເລຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ.ກອງປະຊຸມໄດ້ມີຜູ້ແທນເຂົ້າຮ່ວມທັງໝົດ 12 ສະຫາຍ, ສາມະຊິກພັກ 07 ສະຫາຍ, ແຂກຖືກເຊີນຈາກຄະນະຈັດຕັ້ງແຂວງ 01 ສະຫາຍ ແລະ ອົງການຈັດຕັ້ງມະຫາຊົນ 04 ສະຫາຍ.