ພາຍຫຼັງໄດ້ດຳເນີນການຝືກອົບຮົມມາເປັນເວລາ 2 ວັນເຕັມ, ເລີ່ມແຕ່ຕອນເຊົ້າ ຂອງວັນທີ 14 ພຶດສະພາ 2018 ຈົນມາເຖີງຕອນແລງວັນທີ 15 ພຶດສະພາ 2018, ພະແນກວິທະຍາສາດ ແລະເຕັກໂນໂລຊີແຂວງສາລະວັນ ປິດຊຸດຝືກອົບຮົມຍົກລະດັບທັກສະການຂຽນຂ່າວລົງເວບໄຊ ແລະການຂຽນຂ່າວນຳສົ່ງໃຫ້ກອງບັນນາທິການໜັງສືພິມວິທະຍາສາດ ແລະເຕັກໂນໂລຊີ ຂອງກະຊວງວິທະຍາສາດ ແລະເຕັກໂນຊີ ສປປ ລາວ ຢ່າງເປັນທາງການ ທີ່ຫ້ອງປະຊຸມພະແນກວິທະຍາສາດ ແລະເຕັກໂນໂລຊີແຂວງສາລະວັນ.

ຜ່ານການຝືກອົບຮົມໃນຄັ້ງນີ້ ພະນັກງານຈາກບັນດາຂະແໜງການພາຍໃນພະແນກວິທະຍາສາດ ແລະເຕັກໂນໂລຊີແຂວງສາລະວັນ ແລະຈາກຫ້ອງການວິທະຍາສາດ ແລະເຕັກໂນໂລຊີ  3 ເມືອງ ຂອງແຂວງສາລະວັນ, ເມືອງສາລະວັນ, ເມືອງເລົ່າງາມ ແລະເມືອງຕະໂອ້ຍ ລວມທັງໝົດ 13 ຄົນ ຍິງ 3 ຄົນ ໄດ້ຮັບຄວາມຮູ້ໃໝ່ໃນການຂຽນຂ່າວລົງເວບໄຊທີ່ຖືກຕ້ອງຕາມຫຼັກການ, ສອດຄ່ອງກັບແນວທາງລະບຽບກົດໝາຍຂອງພັກ-ລັດ ຕາມຫຼັການ 5W, 1H, ເຕັກນິກການຖ່າຍພາບປະກອບບົດຂ່າວຕ່າງໆ ແລະການຕົບແຕ່ງພາບຂັ້ນພື້ນຖານດ້ວຍໂປແກຣມ Photoshop CS6.

ຂ່າວ ແລະພາບ ໂດຍ: ສັດຕະຍາ ຊົມຈັນ