ປະຕິບັດຕາມຂໍ້ຕົກລົງເຈົ້າແຂວງໆສາລະວັນ 2 ສະບັບ, ສະບັບເລກທີ 233/ຈຂສວ, ລົງວັນທີ 4 ພຶດສະພາ 2018 ວ່າດ້ວຍການແຕ່ງຕັ້ງຫົວໜ້າຂະແໜງ ແລະຮອງຫົວໜ້າຂະແໜງພະແນກວິທະຍາສາດ ແລະເຕັກໂນໂລຊີແຂວງສາລະວັນ ແລະສະບັບເລກທີ 234/ຈຂສວ, ລົງວັນທີ 4 ພຶດສະພາ 2018 ວ່າດ້ວຍການແຕ່ງຕັ້ງຮອງຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ.

ບັນດາພະນັກງານຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນທີ່ມີຊື່ໃນຂໍ້ຕົກລົງ 2 ສະບັບຂ້າງເທີງນີ້ປະກອບມີ ທ່ານ ສຸກສະຫວັດ ພູມີໄລ ເປັນຮອງຫົວໜ້າພະແນກວິທະຍາສາດ ແລະເຕັກໂນໂລຊີແຂວງສາລະວັນ, ທ່ານ ນາງ ພຸດດາວັນ ຄ່ຽມມະນີຂັນໄຊ ເປັນຫົວໜ້າຫ້ອງການ, ທ່ານ ສົມຈິດ ທຳມະເທວາ ເປັນຫົວນ້າຂະແໜງເຕັກໂນໂລຊີຂໍ້ມູນຂ່າວສານ, ທ່ານ ສຸດສາຍໃຈ ແກ້ວວຽງສະໃໝ ເປັນຫົວໜ້າຂະແໜງວິທະຍາສາດ ເຕັກໂນໂລຊີ ແລະນະວັດຕະກຳ, ທ່ານ ໝັກ ບຸນເຮືອງສີ ເປັນຫົວໜ້າຂະແໜງ ຊັບສິນທາງປັນຍາ ມາດຕະຖານ ແລະວັດແທກ, ທ່ານ ນາງ ສຸພາລັກ ພິລາພັນເດດ ເປັນຮອງຫົວໜ້າຫ້ອງການບໍລິຫານ, ທ່ານ ພອນ ສະຫວັນ ໄຊສົງຄາມ ເປັນຮອງຫົວໜ້າຂະແໜງເຕັກໂນໂລຊີຂໍ້ມູນຂ່າວສານ, ທ່ານ ນາງ ພູຄຳ ສຸທຳມະວົງ ເປັນຮອງຫົວໜ້າຂະແໜງວິທະຍາສາດ ເຕັກໂນໂລຊີ ແລະນະວັດຕະກຳ, ທ່ານ ຂຽວສົມພອນ ບົວລະວັນ ເປັນຮອງຫົວໜ້າ ຊັບສິນທາງປັນຍາ ມາດຕະຖານ ແລະວັດແທກ.

ໂດຍພິທີປະກາດກົງຈັກການຈັດຕັ້ງຢ່າງເປັນທາງການຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນ ໄດ້ຈັດຂື້ນໃນຕອນແລງ ຂອງວັນທີ 25 ພືດສະພາ 2018 ທີ່ຫ້ອງປະຊຸມພະແນກວິທະຍາສາດ ແລະເຕັກໂນໂລຊີແຂວງສາລະວັນ ພາຍໃຕ້ການເປັນປະທານຂອງທ່ານ ວິຊຽນ ນະວິກຸນ ຄະນະປະຈຳພັກແຂວງ ຮອງເຈົ້າແຂວງໆສາລະວັນ ເຊິ່ງມີ ພະນັກງານການນຳຕາງໜ້າໃຫ້ພະແນກພາຍໃນ, ອົງການກວດກາພັກ-ລັດ, ຫ້ອງວ່າການປົກຄອງແຂວງ ຂອງແຂວງສາລະວັນ ແລະຫົວໜ້າຫ້ອງການວິທະຍາສາດ ແລະເຕັກໂນໂລຊີ 3 ເມືອງ ເມືອງສາລະວັນ, ເມືອງວາປີ ແລະເມືອງເລົ່າງາມ ແລະລວມທັງຄະນຳ ພະນັກງານວິຊາການຂອງພະແນກວິທະຍາສາດ ແລະເຕັກໂນໂລຊີແຂວງສາລະວັນ ເຂົ້າຮ່ວມ.

ຂ່າວ ແລະພາບ ໂດຍ ສັດຕະຍາ ຊົມຈັນ