ໃນຕອນເຊົ້າຂອງວັນທີ 04 ທັນວາ 2016 ຜ່ານມານີ້ ຮາກຖານກໍາມະບານ ພະແນກວິທະຍາສາດ ແລະ ເຕັກໂນໂລຊີແຂວງສາລະວັນ ໄດ້ຈັດກອງປະຊຸມໃຫຍ່ ຄັ້ງທີ II ຂອງຕົນຂຶ້ນ ໂດຍພາຍໃຕ້ການເປັນຄະນະປະທານຂອງທ່ານ ສີສຸດອນ ອັງຄະໄລ ເລຂາໜ່ວຍພັກ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງສາລະວັນ, ທ່ານຄໍາປ່ຽນ ອັກຊັງຕິນ ຮອງປະທານສະຫາພັນກໍາມະບານແຂວງສາລະວັນ, ທ່ານ ນາງ ພຸດດາວັນ ຄ່ຽມມະນີຂັນໄຊ ຄະຮາກຖານກໍາມະບານພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ. ກອງປະຊຸມດັ່ງກ່າວມີຜູ້ແທນເຂົ້າຮ່ວມທັງໝົດ 18 ສະຫາຍ, ຍິງ 06 ສະຫາຍ.

ທ່ານ ນາງ ພຸດດາວັນ ຄ່ຽມມະນີຂັນໄຊ ຄະນະຮາກຖານກໍາມະບານ ພວຕ ແຂວງສາລະວັນ ໄດ້ຂື້ນຜ່ານບົດສະຫຼຸບລາຍງານການເມືອງ ແລະ ທິດທາງແຜນການໃນການຈັດຈັດປະຕິບັດວຽກງານກໍາມະບານຮາກຖານ ໃນປີ 2017. ກອງປະຊຸມໄດ້ມີ ການປ່ອນບັດຄັດເລືອກເອົາປະທານ ແລະ ຄະນະ ຮາກຖານກໍາມະບານ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ, ຈາກບັນດາຜົນການປ່ອນບັດຄັດເລືອກດັ່ງກ່າວສາມາດເລືອກໄດ້ດັ່ງນີ້:

ສະຫາຍ ສົມມະນີ ໄຊຍະວົງ ເປັນປະທານກໍາມະບານຮາກຖານ ພະແນກວິທະຍາສາດ ແລະ ເຕັກໂນໂລຊີ
ສະຫາຍ ໝັກ ບຸນເຮືອງສີ ເປັນຮອງປະທານ ກໍາມະບານຮາກຖານ ພະແນກວິທະຍາສາດ ແລະ ເຕັກໂນໂລຊີ
ສະຫາຍ ພູຄໍາ ສຸທໍາມະວົງ ເປັນຮອງປະທານ, ຮອບຜິດຊອບ ປັບປຸງ-ຂະຫຍາຍສາມະຊິກ ກໍາມະບານ
ພ້ອມກັນນັ້ນ, ກອງປະຊຸມຍັງໄດ້ປະກາດເປີດຂະບວນການແຂ່ງຂັນ 5 ເປັນເຈົ້າຢ່າງເປັນທາງການ