ໜ່ວຍຮາກຖານຊາວໜຸ່ມ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ເປີດກອງປະຊຸມໃຫຍ່ຄັ້ງທີ II ຂື້ນຢ່າງເປັນທາງການ ໃນວັນທີ 28 ເມສາ 2018 ຢູ່ທີ່ ຫ້ອງປະຊຸມຊັ້ນ 2 ຂອງພະແນກ, ດ້ວຍການເປັນປະທານຮ່ວມ ຂອງ

  • ສະຫາຍ ສົມມະນີ ໄຊຍະວົງ ຮອງເລຂາໜ່ວຍພັກ, ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ.
  • ສະຫາຍ ຈັນເພັງ ສາຍທໍາມະວົງ ຮອງເລຂາຄະນະບໍລິຫານງານຊາວໜຸ່ມ ແຂວງສາລະວັນ.
  • ສະຫາຍ ສັດຕະຍາ ຊົມຈັນ ເລຂາໜ່ວຍຮາກຖານຊາວໜຸ່ມຂອງພະແນກວິທະຍາສາດ ແລະ ເຕັກໂນໂລຊີ.

ສະຫາຍ ພອນສະຫວັນ ໄຊສົງຄາມ ຮອງເລຂາໜ່ວຍຮາກຖານຊາວໜຸ່ມ ກໍ່ໄດ້ໃຫ້ຜ່ານບົດລາຍງານການເມືອງ ໃນການຊີ້ນໍານໍາພາວຽກງານຊາວໜຸ່ມໃນໄລຍະສະໃໝທີ II ພາຍໃນໜ່ວຍຮາກຖານຊາວໜຸ່ມຂອງພະແນກ.

ກອງປະຊຸມໄດ້ປ່ອນບັດຄັດເລືອກເອົາບັນດາສະຫາຍຄະນະໜ່ວຍຊຸດໃໝ່ ເຊີ່ງເປັນສະໃໝທີ III ຢ່າງປະຊາທິປະໄຕ, ຜ່ານຂະບວນການປ່ອນບັດຄັດເລືອກດັ່ງກ່າວ ກອງປະຊຸມໄດ້ຕົກລົງເຫັນດີເປັນເອກະພາບດ້ວຍຄະແນນສຽງ ແລະ ສາມາດເລືອກໄດ້ຄະນະໜ່ວຍຊຸດໃໝ່ດັ່ງນີ້:

  • ສະຫາຍ ສັດຕະຍາ ຊົມຈັນ ເລຂາໜ່ວຍຮາກຖານຊາວໜຸ່ມຂອງພະແນກວິທະຍາສາດ ແລະ ເຕັກໂນໂລຊີ.
  • ສະຫາຍ ເຄນ ໂພໄຊ ຮອງເລຂາໜ່ວຍຮາກຖານຊາວໜຸ່ມຂອງພະແນກວິທະຍາສາດ ແລະ ເຕັກໂນໂລຊີ.
  • ສະຫາຍ ນາງ ລັດສະນີກອນ ພຶດຜົນ ປະທານກວດກາໜ່ວຍຮາກຖານຊາວໜຸ່ມຂອງພະແນກວິທະຍາສາດ ແລະ ເຕັກໂນໂລຊີ.