ໃນຕອນເຊົ້າຂອງວັນທີ 17 ກຸມພາ 2017 ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ເປັນເຈົ້າພາບ ຈັດກອງປະຊຸມພົບປະແລກປ່ຽນບົດຮຽນວຽກງານ ວິທະຍາສາດ ແລະ ເຕັກໂນໂລຊີ 4 ແຂວງ ພາກໃຕ້ ຂື້ນຢ່າງເປັນທາງການທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ, ໂດຍພາຍໃຕ້ການເປັນປະທານຮ່ວມຂອງທ່ານ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ 4 ແຂວງພາກໄຕ້ (ພວຕ ແຂວງສາລະວັນ ພວຕ ແຂວງຈໍາປາສັກ, ພວຕ ແຂວງອັດຕະປື ແລະ ພວຕ ແຂວງເຊກອງ).
ເຂົ້າຮ່ວມກອງປະຊຸມຝ່າຍແຂວງສາລະວັນ, ລວມມີ:
– ທ່ານ ສີສຸດອນ ອັງຄະໄລ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ພ້ອມດ້ວຍຄະ ນະນຳ ແລະ ວິຊາການ.
ເຂົ້າຮ່ວມກອງປະຊຸມຝ່າຍແຂວງຈຳປາສັກ, ລວມມີ:
– ທ່ານ ສີຟອງ ແກ້ວເຮືອງມະນີ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງຈຳປາສັກ ພ້ອມດ້ວຍຄະນະນຳ ແລະ ວິຊາການ.
ເຂົ້າຮ່ວມກອງປະຊຸມຝ່າຍແຂວງເຊກອງ, ລວມມີ:
– ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ພ້ອມດ້ວຍຄະ ນະນຳ ແລະ ວິຊາການ.
ເຂົ້າຮ່ວມກອງປະຊຸມຝ່າຍແຂວງອັດຕະປື, ລວມມີ:
– ທ່ານ ບຸນທຽນ ວົງພູທອນ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງອັດຕະປື ພ້ອມດ້ວຍຄະ ນະນຳ ແລະ ວິຊາການ.

ໂດຍກອງປະຊຸມຄັ້ງນີ້ມີຜູ່ແທນເຂົ້າຮ່ວມທັງໝົດ:…… 33………ທ່ານ,ຍິງ………07….……ທ່ານ
ກອງປະຊຸມໄດ້ຮັບຟັງ ການສະຫຼຸບ ຕີລາຄາຄືນ ການຈັດຕັ້ງປະຕິບັດບົດບັນທືກໄລຍະ 1 ປີຜ່ານມາ ປະຈຳສົກປີ 2015-2016 ຈາກແຂວງສາລະວັນ ແລະ ບົດລາຍງານຂອງພະແນກວິທະຍາສາດ ແລະ ເຕັກໂນໂລຊີ 4 ແຂວງ ພາກໃຕ້. ນອກຈາກນັ້ນ, ກອງປະຊຸມຍັງໄດ້ຮັບຟັງຄຳເຫັນແລກປ່ຽນບົດຮຽນເຊີ່ງກັນແລະກັນຈາກຕາງໜ້າຄະນະນຳພະແນກວິທະຍາສາດ ແລະ ເຕັກໂນໂລຊີ 4 ແຂວງພາກໃຕ້ ຢ່າງກົງໄປກົງມາ ດ້ວຍບັນຍາກາດຟົດຟື້ນ. ກອງປະຊຸມ ໄດ້ຕີ ລາຄາສູງຕໍ່ກັບໝາກຜົນການຮ່ວມມືດ້ານວິທະຍາສາດ ແລະ ເຕັກໂນໂລຊີ ຂອງ 4 ແຂວງພາກໃຕ້ປະຈຳສົກປີ 2015-2016.