ໃນຄັ້ງວັນທີ 18 ພຶດສະພາ 2018, ທີ່ຫ້ອງປະຊຸມຊັ້ນ 2 ຂອງສະໂມສອນແຂວງສາລະວັນ, ກະຊວງວິທະຍາສາດ ແລະເຕັກໂນໂລຊີ ໄດ້ສົມທົບກັບ ພະແນກວິທະຍາສາດ ແລະເຕັກໂນໂລຊີແຂວງສາລະວັນ ຈັດກອງປະຊຸມທາບທາມ ປະກອບຄຳເຫັນໃສ່ຮ່າງກົດໝາຍວ່າດ້ວຍຄວາມປອດໄພດ້ານລັງສີ ແລະນິວເຄຍ ໂດຍພາຍໃຕ້ການເປັນປະທານຮ່ວມຂອງ ທ່ານ ວິຊຽນ ນະວິກຸນ ຮອງເຈົ້າແຂວງໆສາລະວັນ ແລະທ່ານ ປອ ສຸລິອຸດົງ ສູນດາລາ ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ໂດຍມີຜູ່ແທນເຂົ້າຮ່ວມລວມມີ ຕາງໜ້າສະມາຊິກສະພາແຫ່ງຊາດຈາກ 6 ແຂວງ ແລະພະແນກວິທະຍາສາດ ແລະເຕັກໂນໂລຊີ 6 ແຂວງ, ຄຳມ່ວນ, ສະຫວັນນະເຂດ, ຈໍາປາສັກ, ເຊກອງ, ອັດຕະປື ແລະສາລະວັນ ແລະພ້ອມດ້ວຍຜູ່ແທນຈາກບັນດາພະແນກການ ອົງການທຽບເທົ່າແຂວງສາລະວັນ ເຂົ້າຮ່ວມ ທັງໝົດ 50 ຄົນ ຍີງ 5 ຄົນ.

ຈຸດປະສົງຂອງກອງປະຊຸມຄັ້ງນີ້ ເພື່ອການນຳສະເໜີຄວາມຮັບຮູ້ ແລະເຂົ້າໃຈກ່ຽວກັບຄວາມປອດໄພດ້ານລັງສີ ແລະນິວເຄຍ ເຊິ່ງມີທັງຈຸດດີ ແລະຈຸດເສຍ ແລະນອນຈາກນັ້ນ, ຍັງເພື່ອປັນການຮັບຟັງ ເກັບກຳບັນທືກເອົາ ການປະກອບຄຳຄິດຄຳເຫັນໃສ່ຮ່າງກົດໝາຍສະບັບນີ້ ໃຫ້ມີເນື້ອໃນສົມບູນຄົບຖ້ວນສູງສຸດ ກ່ອນຈຳນຳໄປສະເໜີຕໍ່ສະພາແຫ່ງຊາດ ເຊີ່ງກອງປະຊຸມຄັ້ງນີ້ ໄດ້ສຳເລັດ ແລະປິດລົງໃນເວລາຕອນແລງໃນວັນທີດຽວກັນ.

ຂ່າວ ແລະພາບ ໂດຍ ສັດຕະຍາ ຊົມຈັນ

[envira-gallery id=”2811″]